ოკუპირებული აფხაზეთის ყოფილი პრეზიდენტი რაულ ხაჯიმბა განმეორებით საპრეზიდენტო არჩევნებში მონაწილეობას არ მიიღებს.

აღნიშნულის შესახებ ხაჯიმბამ რუსულ მედიასთან საუბრისას განაცხადა.

ოკუპირებული აფხაზეთის ცენტრალური საარჩევნო კომისიის ინფორმაციით, ე.წ. საარჩევნო პროცესში მონაწილეობას სამი კანდიდატი მიიღებს. ესენია: ოპოზიციის ერთ-ერთი ლიდერი ასლან ბჟანია, ე.წ. ვიცე-პრემიერი, ეკონომიკის დე ფაქტო მინისტრი ადგურ არძინბა და პარტია „აკზაარიდან“, ყოფილი ე.წ. შინაგან საქმეთა მინისტრი ლეონიდ ძაპშბა.

 ე.წ. საპრეზიდენტო კანდიდატების  რეგისტრაცია 21 თებერვლამდე გაგრძელდება.

შეგახსენებთ, რომ ე.წ. არჩევნები ოკუპირებული აფხაზეთის რეგიონში 22 მარტისთვისაა დანიშნული. 9 იანვარს სოხუმში საპროტესტო გამოსვლები დაიწყო, ოპოზიციის წარმომადგენლები ე.წ. პრეზიდენტის რაულ ხაჯიმბას გადადგომას ითხოვდნენ. 10 იანვარს - „უზენაესი სასამართლოს საკასაციო ინსტანციამ“ „ცესკოს“ გადაწყვეტილება სექტემბერში ჩატარებული საპრეზიდენტო არჩევნების შედეგების შესახებ ბათილად ცნო.

ავტორი: ექსპრესნიუსი,

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად