„სამწუხაროა, რომ კომპრომისზე და კონსენსუსზე საუბრისას მხოლოდ ხელისუფლება გახსენდებათ“, - ამის შესახებ უმრავლესობის ლიდერმა მამუკა მდინარაძემ ჟურნალისტებთან საუბრისას განაცხადა.

მისი თქმით, გუშინ, ოპოზიცია ელოდებოდა საბაბს, რომ ამოეყირავებინა მოლაპარაკებების მაგიდა, რომელთან დასხდომაზეც საერთაშორისო პარტნიორები მოუწოდებდნენ.

„ძალიან სამწუხაროა, რომ პასუხისმგებლობაზე, კონსენსუსზე და კომრპომისზე საუბრისას მხოლოდ ხელისუფლება გახსენდებათ. ეს გარკვეული ტრენდის და ტენდენციის ბრალია. გუშინ, პრაქტიკულად მთლიანი ოპოზიციური სპექტრი ელოდებოდა საბაბს, რომ ამოეყირავებინათ მოლაპარაკებების მაგიდა, რომელთანაც დასხდომაზე მოგვიწოდებდნენ ჩვენი საერთაშორისო პარტნიორები. მათ უგულავას დაჭერის გადაწყვეტილებით მიეცათ საბაბი, ისინი არ უწევენ ანგარიშს რეალობას, ქართულ საზოგადოებას და საერთაშორისო პარტნიორებს“, - განაცხადა მამუკა მდინარაძემ.

ცნობისთვის, „ევროპული საქართველოს“ ერთ-ერთი ლიდერი გიგი უგულავა გუშინ უზენაესმა სასამართლომ დამნაშავედ ცნო და მას პატიმრობა მიუსაჯა. აღნიშნულის შემდეგ, „ლეიბორისტული პარტიის“ ოფისში შეკრებილმა ოპოზიციონერმა ლიდერებმა განაცხადეს, რომ მმრთველ გუნდთან საარჩევნო სისტემაზე მოლაპარაკებები წყდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება