„ოლიგარქიულმა რეჟიმმა კიდევ ერთხელ გვითხრა, ფეხებზე გვკიდია თქვენი კომპრომისიც, ოპოზიციაც და საქართველოს მოქალაქეც“, - ასე აფასებს უზენაესი სასამართლოს გადაწყვეტილებას გიგი უგულავას პატიმრობასთან დაკავშირებით ფრაქცია „ნაციონალური მოძრაობის“ წევრი გრიგოლ ვაშაძე.

მისი თქმით, გიგი უგულავას ციხეში ჩასმა კიდევ ერთი სტიმული იქნება  იმისათვის, რომ ყველა ოპოზიციური პარტია მაგიდასთან დაჯდეს და შეთანხმდეს ერთობლივ მოქმედებაზე.

„დღეს, როდესაც აქ ოპოზიცია შეკრებილი იყო და იმაზე მსჯელობდა რა პრინციპი შეიძლება საფუძვლად დაედოს კომპრომისს, კიდევ ერთხელ გვითხრა ოლიგარქიულმა რეჟიმმა, რომ ფეხებზე გვკიდია თქვენი კომპრომისიც, ოპოზიციაც, საქართველოს მოქალაქეც, პროპორციული თუ არაპროპორციული არჩევნები, ჩემი ხელი არის მთავარი და რასაც მინდა იმას გავაკეთებ. ამიტომ, თეზისურად გეტყვით, პირველივე რაუნდიდან სკეპტიკურად ვიყავი განწყობილი ამ დიალოგის მიმართ, ვიცოდი რომ ამით დამთავრდებოდა. მეორე - ძალიან მნიშვნელოვანია ის, რომ ვერ დაარღვევენ ვინც არ უნდა ჩასვან ციხეში, რა რაოდენობითაც არ უნდა ჩასვან ამ ტალღის გაჩერება უკვე შეუძლებელია. მესამე - გიგი რომ ციხეში წავა კიდევ ერთი სტიმული იქნება  ეს იმისათვის, რომ ყველა ოპოზიციური პარტია მაგიდასთან დაჯდეს, შეთანხმდეს ერთობლივ მოქმედებაზე, არ დაუყენონ ერთმანეთს კანდიდატები და ვინც ამას გააკეთებს ოლიგარქიული რეჟიმის ნაწილი იქნება. აუცილებლად გაგხევთ ნაკერავზე ვინც არ უნდა ჩასვათ ციხეში“, - განაცხადა გრიგოლ ვაშაძემ.

ცნობისთვის, დღეს „ევროპული საქართველოს“ ლიდერს, გიგი უგულავას ე.წ „ფონდის საქმეზე“  უზენაესმა სასამართლომ 3 წლით თავისუფლების აღკვეთა მიუსაჯა.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება