„ეუთო/ოდირმა ძალიან მნიშვნელოვანი რამ თქვა, რომ საერთაშორისო სტანდარტის გათვალისწინებით, საარჩევნო სისტემა უნდა იყოს შერჩეული ფართო, ინკლუზიური დებატისა და პოლიტიკური კონსესუსის საფუძველზე“, - ამის შესახებ სახალხო დამცველმა ნინო ლომჯარიამ განაცხადა.

ლომჯარიამ დასკვნასთან დაკავშირებით პოლიტიკოსების შეფასებებს გამოეხმაურა და აღნიშნა, რომ სახალხო დამცველის აპარატმა პოზიტიური როლი შეასრულა შექმნილ ჩიხურ მგომარეობაში, რაც საარჩევნო სისტემასთან დაკავშირებით ოპოზიციასა და ხელისუფლებას შორის დებატებს უკავშირდება.

„მე რასაც ვუსმენ გუშინდელი დღიდან კომენტარებს, ფაქტია, რომ აღნიშნულ დასკვნას იზიარებს და მიესალმება როგორც ოპოზიცია, ასევე ხელისუფლება. სახალხო დამცველი იყო შუამავალი ოპოზიციასა და ეუთო/ოდირს შორის,რადგან ჩვენ გვქონდა შესაბამისი მანდატი და ტექნიკური შესაძლებლობა, რომ შეკითხვა გაგვეგზავნა ეუთო/ოდირისთვის. შეკითხვა წინასწარ არაერთხელ გავლილი იყო ეუთო/ოდირტან, ამიტომ ეს კითხვა მათთვის არ იყო მოულოდნელი.

არ მქონდა მოლოდინი, რომ ეუთო/ოდირი პირდაპირ იტყოდა კონსტიტუციური იყო თუ არა ეს საკანონმდებლო ინიციატივა. ჩვენი კითხვა იყო ასეთი, რამდენად შეესაბამებოდა წარმოდგენილი  კანონპროექტი საერთაშორისო სტანდარტებს და მოქმედი საკონსტიტუციო ჩარჩოს ფარგლებში, რამდენად შესაძლებელი იყო ამ საკანონმდებლო ცვლილეების განხორციელება. ეუთო/ოდირმა თქვა, რომ ამ საკითხის გადაწყვეტა ეროვნულ სასამართლოებს ეკისრებათ, ასეთი სასამართლო საქართველოში არის საკონსტიტუციო სასამართლო. ჩვენთან საკანსტიტუციო სასამართლო არ განიხილავს კანონპროექტის კონსტიტუციურობას, ის განიხილავს უკვე ძალაში შესული კანონის კონსტიტუციურობას. შეაბამისად, საქართველოში არ არის ისეთი ინსტიტუტი, რომელიც იტყვის არის თუ არა კანონპროექტი კონსტიტუციური. მაგრამ ეუთო/ოდირმა ძალიან მნიშვნელოვანი რამ თქვა, რომ არც ერთი საერთაშორისო სტანდარტი არ ამბობს, რომელი საარჩევნო სისტემა უნდა ჰქონდეს ქვეყანას, მაგრამ საერთაშორის სტანდარტი ამბობს, რომ საარჩევნო სისტემა უნდა იყოს შერჩეული ფართო, ინკლუზიური დებატის და პოლიტიკური კონსენსუსის საფუძველზე“, - განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს