„რუსეთის ფედერაციას სანქციებს გავუმკაცრებთ“,-ამის შესახებ ამერიკის შეერთებული შტატების პრეზიდენტმა ბარაკ ობამამ მარიუპოლში პრორუსი სეპარატისტების მიერ განხორციელებული სარაკეტო იერიშის შემდეგ განაცხადა.

ობამას თქმით, თუ რუსეთი სამხედრო კონფლიქტს გააგრძელებს, ეს ცუდი იქნება როგორც უკრაინელი, ასევე რუსი ხალხისთვის.

„ეფექტური საშუალება არ იქნება რუსეთთან სამხედრო კონფლიქტში ჩართვა, თუმცა ჩვენ შეგვიძლია განვაგრძოთ უკრაინის დახმარება საკუთარი ტერიტორიების კონტროლისთვის. ეს წარმოადგენს ეკონომიკური ზეწოლისა და დიპლომატიური იზოლაციის კომბინაციას. თუ ბატონი პუტინი და რუსეთი განაგრძობენ სამხედრო კონფლიქტში მონაწილეობას, ეს იქნება ის გზა, რომელიც ცუდია მხოლოდ უკრაინელი, არამედ რუსი ხალხისთვისაც“, - განაცხადა ობამამ.

შეგახსენებთ, რომ აღმოსავლეთ უკრაინაში, ქალაქ მარიუპოლში საბრძოლო შეტაკებებს 30 ადამიანი ემსხვერპლა, ასზე მეტი კი დაშავდა. ეუთოს მონიტორინგის ჯგუფმა დაადასტურა, რომ ქალაქზე შეტევა სეპარატისტების მიერ კონტროლირებადი ტერიტორიიდან განხორციელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე