„8 წელი საკმარისი პერიოდია იმისთვის, რომ ერთი ადამიანი ხელმძღვანელობდეს ერთ სისტემას“, - ამის შესახებ იუსტიციის მინისტრმა თეა წულუკიანმა ჟურნალისტებთან საუბრისას განაცხადა.

მისი თქმით, წინა არჩევნებთან შედარებით, აქტიურად ჩაერთვება 2020 წლის საარჩევნო კამპანიაში.

„მე, თუკი ეს იქნება „ქართული ოცნების“ სურვილი, ვაპირებ დავრჩე პოლიტიკაში მათთან ერთად. რაც შეეხება იუსტიციის მინისტრობას, ვფიქრობ, რომ 2020 წლის არჩევნების შემდეგ სრული 8 წელი იქნება შესრულებული ჩემი და ჩემი თანამებრძოლი პირების საქმიანობის იუსტიციის სამინიტროში. პირადად ვფიქრობ, რომ საკმარისი პერიოდია იმისთვის, რომ ერთი ადამიანი ხელმძღვანელობდეს ერთ სისტემას. დაველოდებით როგორი იქნება „ქართული ოცნების“ გადაწყვეტილება. რაც შეეხება კამპანიაში ჩართვისას გადავდგები თუ არა, მე ასეთი განწყობა არ მაქვს. მე მაქვს უფლება ვიყო მინისტრი და ასევე ვიყო სუპერ აქტიური საარჩევნო კამპანიაში, ვიდრე რომელიმე წინა არჩევნების დროს მინისტრობისას ვყოფილვარ, არ ვგულისხმობ 2012 წელს. მე ვაპირებ ამას იმიტომ, რომ მე როგორც ამ ქვეყნის მოქალაქე ყველაფერს გავაკეთებ იმისთვის, რომ არ დავუშვა წარსულის დაბრუნება საქართველოში“, - განაცხადა თეა წულუკიანმა.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა