„ყველა საკვანძო საკითხში „ქართულმა ოცნებამ“ მოხსნა ანტირეკორდი, მე გეტყვით, რომ მას არ აქვს რეიტინგის ზრდის პერსპექტივა“, - ასე შეაფასა „ევროპული საქართველოს“ წევრმა, გიგი უგულავამ ეროვნულ-დემოკრატიული ინსტიტუტის კვლევის შედეგები.

უგულავას თქმით, „ქართულ ოცნებას“ დასჭირდება დიდი ძალისხმევა, რომ რეიტინგი პოზიტიური ძვრისკენ წაიყვანოს, რაც თითქმის შეუძლებელია.

„კატასტროფაა ეს „ქართული ოცნებისთვის“, ყველა საკვანძო საკითხში „ქართულმა ოცნებამ“ მოხსნა ანტირეკორდი. აქვს თუ არა „ქართულ ოცნებას“ ზრდის პერსპექტივა? მე გეტყვით – არა, რადგან რაც ნეგატიურისკენ მიდის, ეს არის ქვეყნის განვითარება, რომელიც, როგორც წესი, ემთხვევა მმართველი პარტიის რეიტინგს. ძალიან დიდი ძალისხმევა დასჭირდება „ქართულ ოცნებას“, რომ რეიტინგი პოზიტიური ძვრისკენ წაიყვანოს, ეს თითქმის შეუძლებელია იმ პოლიტიკურ ვითარებაში, რაშიც „ქართულმა ოცნებამ“, პირადად ბიძინა ივანიშვილის ხუშტურებმა და შიშებმა შეიყვანეს ქვეყანა, ამიტომ „ქართული ოცნება“ განწირულია. თუ ავიღებთ „ქართულ ოცნებას“ თავისი სატელიტი „პატრიოტთა ალიანსით“ და აქეთ ავიღებთ ყველა ოპოზიციურ პარტიას, ვინც დღეს ერთობით ვფიქრობთ, დავამარცხოთ „ქართული ოცნება“,  ციფრებით 34/24-ზეა ოპოზიციის სასარგებლოდ“ ,- განაცხადა გიგი უგულავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა