2015-07-27 18:37:23, 2408 ნახვა
კომენტარი
მანანა კობახიძე: გიორგი მარგველაშვილი ოლიმპიური ფესტივალის გახსნას უნდა დასწრებოდა
პარლამენტის ვიცე-სპიკერი, მანანა კობახიძე მიიჩნევს, რომ პრეზიდენტი გიორგი მარგველაშვილი ახალგაზრდული ოლიმპიური ფესტივალის „თბილისი 2015“-ის გახსნას უნდა დასწრებოდა.
კობახიძის თქმით, მარგველაშვილი ოლიმპიური ფესტივალის გახსნაზე მიწვეული იყო.
« ჩემი აზრით, ღონისძიებაზე პრეზიდენტი უნდა ყოფილიყო და როგორც ვიცი, მოწვეული იყო. ალბათ მან უნდა განმარტოს, რატომ არ მივიდა. არ მგონია, რომ ასეთ ღონისძიებასთან დაკავშირებით, პოლიტიკური კონტექსტიდან გამომდინარე უნდა ვიმოქმედოთ. ეს ღონისძიება ჩვენი ქვეყნისთვის ძალიან მნიშვნელოვანია, რადგან დედაქალაქი ევროპის ყურადღების ცენტრში მოექცა. კარგად ორგანიზებული იყო და კარგი იქნებოდა, თუკი პრეზიდენტი ღონისძიებაზე იქნებოდა», - აღნიშნა კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
