მნიშვნელოვანია, რომ ამერიკა მხარს უჭერს საქართველოს. ამ განცხადებაში არის საქართველოს მიმართ მხარდაჭერა, ასევე, ძალიან კონკრეტული წინადადებები, სადაც ნათქვამია, რომ აშშ-ი გააგრძელებს საქართველოსთან მუშაობას კანონის უზენაესობისა და ანგარიშვალდებული ინსტიტუტების ხელშესაწყობად, – ამის შესახებ საქართველოს პარლამენტის თავმჯდომარემ ტელეკომპანია „პირველის“ ეთერში განაცხადა.

არჩილ თალაკვაძემ აშშ-ის სახელმწიფო დეპარტამენტის განცხადება შეაფასა. მისი თქმით, ნებისმიერი პოლიტიკური განცხადება, რომელიც კეთდება კონგრესმენებისა თუ ევროპარლამენტარების მხრიდან, მიღებულია როგორც მეგობრების პოზიცია. პარლამენტის თავმჯდომარემ აღნიშნა ისიც, რომ ამ შემთხვევაში უკვე არსებობს დამატებითი კომუნიკაცია დასავლელ პარტნიორებთან.

„თუ უნდა გავაკეთო შეფასება ჩვენი სტრატეგიული პარტნიორის დამოკიდებულებასა და მის ხედვაზე საქართველოში დღეს არსებულ სიტუაციასთან დაკავშირებით, ვიხელმძღვანელებდი, პირველ რიგში, ოფიციალური ვაშინგტონის განცხადებით, რომელიც გუშინ გამოქვეყნდა და სადაც ვხედავთ მხარდაჭერას საქართველოს სახელმწიფოს მიმართ. თუ ვართ ის პოლიტიკოსები, ვისაც გვაინტერესებს საქართველო და ჩვენი ქვეყნის ინტერესები, მაშინ, ამ გადმოსახედიდან უნდა ვიმსჯელოთ და გულწრფელად გითხრათ, ჩემთვის, პირველ რიგში, მნიშვნელოვანია, რომ ამერიკა მხარს უჭერს საქართველოს. ამ განცხადებაში არის საქართველოს მიმართ მხარდაჭერა, აქ არის ასევე ძალიან კონკრეტული წინადადებები, სადაც ნათქვამია, რომ ამერიკის შეერთებული შტატები გააგრძელებს საქართველოსთან მუშაობას კანონის უზენაესობისა და ანგარიშვალდებული ინსტიტუტების ხელშესაწყობად. ეს არის სწორედ ის, რაც მომავალში გვაქვს ჩვენ გასაკეთებელი“, – განაცხადა არჩილ თალაკვაძემ.

მისივე თქმით, საზოგადოებას ახსოვს ბევრად მკაცრი კრიტიკა საქართველოს მიმართ წინა ადმინისტრაციის პირობებში. როგორც პარლამენტის თავმჯდომარემ აშშ-ის სახელმწიფო დეპარტამენტის განცხადებაზე საუბრისას განაცხადა, ეს ნიშნავს, რომ სამუშაო არ არის დასრულებული.

„ეს სამუშაო გრძელდება. მსოფლიოში არსად არსებობს სრულყოფილი პროკურატურა, სასამართლო სისტემა, სრულყოფილი ინსტიტუტები. ყველგან არის გაუმჯობესების რესურსი და ეს რესურსი არის საქართველოშიც“, – განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა