საპროცედურო საკითხთა და წესების კომიტეტმა „ნაციონალური მოძრაობის“ წევრის, ნიკა მელიას ადგილმონაცვლის ბადრი ბასიაშვილის სადეპუტატო უფლებამოსილების ცნობის შესახებ საკითხი განიხილა და დაამტკიცა.

„როგორც იცით, უფლებამოსილება შეუწყდა საქართველოს პარლამენტის წევრს, ნიკანორ მელიას რეგლამენტის შესაბამისად. კანონმდებლობის თანახმად, საქართველოს ცენტრალური საარჩევნო კომისიიდან შემოვიდა დოკუმენტაცია ნიკანორ მელიას ადგილმონაცვლის, ბადრი ბასიშვილის როგორც უფლებამონაცვლის ცნობის თაობაზე. არსებობს ცესკო-ს განკარგულება, შესაბამისი დოკუმენტები, რაც არის იმის საფუძველი, რომ კომიტეტმა მიიღოს გადაწყვეტილება უფლებამოსილების ცნობის. შემდგომ თქვენ იცით, რომ რეგლამენტის შესაბამისად, ეს გადაეგზავნება ბიუროს, ხოლო საბოლოო გადაწყვეტილებას იღებს საქართველოს პარლამენტი შესაბამისი დადგენილებით“, – განაცხადა საპროცედურო საკითხთა კომიტეტის თავმჯდომარე გურამ მაჭარაშვილმა.

კენჭისყრისას, საპარლამენტო უმრავლესობის ორმა წევრმა, კარლო კოპალიანმა და ენძელა მაჭვარიანმა ბადრი ბასიშვილის სადეპუტატო უფლებამოსილების ცნობის საკითხს მხარი არ დაუჭირეს.

შეგახსენებთ, საპარლამენტო უმრავლესობამ ნიკა მელიას უფლებამოსილების შეწყვეტის საკითხი დღის წესრიგში მას შემდეგ დააყენა, რაც სასამართლომ დეპუტატის მიმართ „ბანკი ქართუს“ გაკოტრების საქმეზე გამამტყუნებელი განაჩენი გამოიტანა.

კერძოდ, მას  25 000 ლარიანი ჯარიმა დაეკისრა და ამასთანავე, 2 წლით და 3 თვით თანამდებობის დაკავების უფლება ჩამოერთვა.

ავტორი: ექსპრესნიუსი,

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია