რუსეთის პრეზიდენტი ვლადიმერ პუტინი აცხადებს, რომ ჩეჩნეთის გავლით საქართველოს მიმართულებით გზის მშენებლობა კარგი იდეაა, თუმცა ის ტრანსპორტის სამინისტროს პრაქტიკულ პროექტებში არ შედის.

აღნიშნული გზის მშენებლობის შესახებ, რუსეთის პრეზიდენტს შეკითხვა დღევანდელ პრესკონფერენციაზე დაუსვეს.

„მიმდინარეობს საუბარი ჩეჩნეთის გავლით საქართველოსკენ გზის მშენებლობაზე. ეს მოაგვარებდა სტრატეგიულ საკითხებს. რას ფიქრობთ ამაზე და რამდენად მომგებბიანი გგონიათ ეს როგორც რუსეთისთვის, ისე საქართველოსთვი“, - ამ კითხვით მიმართა ჟურნალისტმა პუტინს.

როგორც რუსეთის პრეზიდენტმა აღნიშნა, ეს კარგი და განხორციელებადი იდეაა.

 „იქ ნამდვილად არის პრობლემა საქართველოსთან კომუნიკაციაში, განსაკუთრებით ზამთარში, როდესაც ყველაფერს თოვლი დაფარავს - ჩვენ, რა თქმა უნდა, ეს ყველაფერი ვიცით. რაც ახლა თქვენ თქვით, ეს კარგი იდეაა, მაგრამ ის ჯერ ტრანსპორტის სამინისტროს პრაქტიკულ პროექტებში არ არის. თუმცა, ვიმეორებ, რომ ამ იდეის შესახებ ცნობილია და პრინციპში, ის განხორციელებადია“, - განაცხადა ვლადიმერ პუტინმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა