„მიგვაჩნია, რომ არასრულწლოვანზე ზეწოლას პოლიციის მინიმუმ კიდევ 3 თანამშრომელი ახორციელებდა, რომელთა ვინაობაც დადგენილი არ არის“,- ამის შესახებ საქართველოს ახალგაზრდა იურისტთა ასოციაციის თავმჯდომარემ, სულხან სალაძემ განაცხადა.

როგორც მან აღნიშნა, დასტურდება ის ფაქტიც, რომ ბავშვი პოლიციის განყოფილებაში, დროის გარკვეულ მონაკვეთში რამდენჯერმე მშობლის გარეშეც დარჩა.

„მიგვაჩნია, რომ არასრულწლოვანზე ზეწოლას პოლიციის მინიმუმ კიდევ 3 თანამშრომელი ახორციელებდა, რომელთა ვინაობაც დადგენილი არ არის, ასევე დასტურდება, რომ ბავშვი პოლიციის განყოფილებაში მშობლის გარეშე დროის სხვადასხვა მონაკვეთში მხოლოდ პოლიციის თანამშრომელთა გარემოცვაში რამდენჯერმე დარჩა. მათ შორის ბავშვს ცალკე ესაუბრებოდა ამავე განყოფილების უფროსის მოადგილე“,- განაცხადა სალაძემ.

ასევე მისი თქმით, როდესაც დანაშაული სისტემის შიგნით ხდება, იქ პასუხისმგებლობა სისტემის ხელმძღვანელმა უნდა აიღოს, ამ შემთხვევაში შს მინისტრმა, ვახტანგ გომელაურმა და მისმა მოადგილემ, ნინო ცაციაშვილმა და უნდა დატოვონ დაკავებული თანამდებობები.

„აღსანიშნავია, რომ 15 დეკემბერს შს მინისტრის მოადგილემ ნინო ცაციაშვილი საგანგებოდ გამართულ პრესკონფერენციაზე უარყოფდა ბავშვის განცალკევებით გამოკითხვის და მასზე პოლიციის განყოფილებაში განხორციელებული ზეწოლის ფაქტს. თუმცა, ჩვენ მიგვაჩნია, რომ პოლიტიკური პასუხისმგებლობა პოლიციის განყოფილებაში მომხდარ დანაშაულზე ეკისრება შს მინისტრს და მის მოადგილეს ნინო ცაციაშვილს. საია მოითხოვს, რომ მათ დაუყოვნებლივ დატოვონ დაკავებული თანამდებობები. ჩვენ ვამბობთ, რომ როდესაც სისტემით შიგნით ხდება ასეთი დანაშაული, იქ პასუხისმგებლობა უნდა აიღოს სისტემის ხელმძღვანელმა, ამ შემთხვევაში შს მინისტრმა და ქ-ნი ნინო ცაციაშვილის სახელით, ვინც არის შს მინისტრის მოადგილე, კეთდებოდა ის ცნობილი განცხადებები, რომელიც, რბილად, რომ ვთქვათ არ არის რეალობასთან ბოლომდე კავშირში“,- განაცხადა სულხან სალაძემ.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა