ლიბიაში 2-წლიანი პატიმრობის შემდეგ 2 ქართველი მეზღვაური გაათავისუფლეს.  ამის შესახებ ჟურნალისტებს საგარეო საქმეთა სამინისტროს წარმომადგენელმა ვლადიმერ კონსტანტინიდმა განუცხადა.

მისი თქმით, მეზღვაურები უსაფრთხო ადგილზე იმყოფებიან და ახლო მომავალში საქართველოში გამოემგზავრებიან.

„რამდენიმე წუთის წინ ცნობილი გახდა, რომ ხანგრძლივი პატიმრობიდან განთავისუფლებულები იქნა ჩვენი მეძღვაურები ლიაბიაში, რომლებიც იქ ორ წელიწადზე მეტი ხნის განმავლობაში იმყოფებოდნენ. ჩვენ დავუკავშირდით ადგილზე ადვოკატს. ჩვენი საელჩო აქტიურადაა ჩართული ამ პროცესში. პირველ რიგში გავარკვიეთ, რომ მათი ჯანმრთელობის მდგომარეობა დამაკმაყოფილებელია და ლიბიაში არსებული რთული პოლიტიკური ვითარების ფონზე, მათ სიცოცხლეს საფრთხე არ ემუქრება. ისინი უკვე იმყოფებიან სასჯელაღსრულებითი დაწესებულების გარეთ და უახლოეს დღეებში გამოემგზავრებიან საქართველოში. ჩვენი მოქალაქეები, კერძოდ კი 3 მეზღვაური დაკავებული იქნა 2017 წელს. მათ ლიბიის სასამართლომ წაუყენა ბრალდება. რამდენიმე ბრალდება წაუყენეს და მათ შორის, ნავთობის უკანონო გადაზიდვა, ლიბიის ტერიტორიულ წყლებში უკანონოდ შესვლა და ლიბიელი ხალხისთვის ეკონომიკური ზარალის მიყენება იყო. საბოოლოდ, მხოლოდ ძირითადი ბრალდება დარჩათ, რაც არის  ნავთობის უკანონო გადაზიდვა და მიესაჯათ 6- თვიანი პატიმრობა და დაახლოებით 1.3 მლნ დოლარის ექვივალენტი იყო ჯარიმა. საგარეო საქმეთა სამინისტრო მეზღვაურების დაკავების პირველივე დღიდან აქტიურად იყო ამ პროცესში ჩართული. ავამუშავეთ ყველა დიპლომატიური და სამართლებრივი ბერკეტი. ჩართული იყო ყველა საელჩო, ვისაც კი შეხება ჰქონდა ამ საკითხთან. ჯარიმა არ გადახდილა. ეს სანქციაც მოიხსნა ადვოკატის აქტიურობით. ყველა მხარე აქტიურად მუშაობდა ამ საკითხში, რათა დროულად განთავისუფლებულიყვნენ მეზღვაურები. მანამდე გვქონდა საკამაოდ რთული შემთხვევა. 2 მეზღვაური გათავისუფლდა ასევე ლიბიის ციხეებიდან. დღეისათვის მეზღვაურები უსაფრთხო ადგილზე იმყოფებიან და ახლო მომავალში დატოვებენ ლიბიას და გამოემგზავრებიან საქართველოში“, - განაცხადა ვლადიმერ კონსტანტინიდმა.

ავტორი: ექსპრესნიუსი,

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა