„მე როგორც პრეზიდენტს, არ მაქვს უფლება, ჩემი პირადი მოსაზრება მოვახვიო თავს საზოგადოებას ან პოლიტიკურ პარტიებს“, - ამის შესახებ საქართველოს პრეზიდენტმა სალომე ზურაბიშვილმა ჟურნალისტებთან საუბრისას განაცხადა.

მისი თქმით, საარჩევნო სისტემის საკითხთან დაკავშირებით თავიანთი მოსაზრებები პოლიტიკურმა პარტიებმა უნდა გამოხატონ.

„პროპორციული და მაჟორიტარული საარჩევნო სისტემიდან მე რომელსაც ვემხრობი არაერთხელ მაქვს ნათქვამი. თუმცა, მე როგორც პრეზიდენტს, არ მაქვს უფლება, ჩემი პირადი მოსაზრება მოვახვიო თავს საზოგადოებას ან პოლიტიკურ პარტიებს. ნუ მიხსნით ვინ ვარ. მე ვარ ქვეყნის პირველი პირი და პრეზიდენტი, რომელიც არ არის პოლიტიკური პარტიის წევრი. მე ამ საკითხზე უნდა დავუთმო პოლიტიკურ პარტიებს თავიანთი მოსაზრებები, მაგრამ მე შემიძლია ერთი რამ ვთქვა, ვისურვებდი, რომ ამ საკითხზე და სხვა ბევრ საკითხზე დაპირისპირების ნაცვლად მოინახოს რამე გამოსავალი. ეს არის საჭირო ქვეყნის სტაბილურობისთვის, მშვიდობიანი განვითარებისთვის და მეც ამის მომხრე ვარ“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა