2019-12-13 18:58:41, 1997 ნახვა
პოლიტიკა
პრეზიდენტი - ვაჟა გაფრინდაშვილის პატიმრობაში დატოვება არსებულ რთულ ვითარებას კიდევ უფრო ამძიმეს
საქართველოს პრეზიდენტი სალომე ზურაბიშვილი საოკუპაციო რეჟიმის მიერ ექიმ ვაჟა გაფრინდაშვილის წინასწარ პატიმრობაში დატოვებას გამოეხმაურა.
ზურაბიშვილი საერთაშორისო თანამეგობრობას კიდევ ერთხელ მოუწოდებს, ექიმის გასათავისუფლებლად ძალისხმევა გააძლიეროს.
„მიუხედავად ყველანაირი მცდელობისა და საერთაშორისო თანამეგობრობის აქტიური ჩართულობისა უკანონოდ დაკავებული ექიმი ვაჟა გაფრინდაშვილი პატიმრობაში დატოვეს, რაც კიდევ უფრო ამძიმებს არსებულ, ისედაც რთულ ვითარებას.
კიდევ ერთხელ მივმართავ საერთაშორისო თანამეგობრობას, გააძლიეროს ძალისხმევა, რათა დაუყოვნებლივ მოხდეს ექიმის გათავისუფლება!“, - ნათქვამია პრეზიდენტის განცხადებაში.
ავტორი: ექსპრესნიუსი,
epn.ge (@expressnews.ge)
