2019-12-10 13:48:20, 1595 ნახვა

---

ცქიტიშვილი ომბუდსმენის ანგარიშზე: სასჯელაღსრულების დაწესებულებაზე საუბრისას უნდა გვახსოვდეს, რომ იქ სამართალდამრღვევები იმყოფებიან

„როდესაც ჩვენ სასჯელაღსრულების დაწესებულებაზე ვსაუბრობთ უნდა გვახსოვდეს, რომ იქ იმყოფებიან სამართალდამრღვევები“, - ასე ეხმაურება რეგიონული განვითარებისა და ინფრასტრუქტურის მინისტრი, მაია ცქიტიშვილი სახალხო დამცველის მიერ წარდგენილ ანგარიშს.

მინისტრი აღნიშნავს, რომ არსებობს კონტინგენტი, რომლის მიმართაც შესაძლოა, გამოყენებული იქნას დამატებითი ღონისძიებები  სასჯელაღსრულების სისტემაში.

„როდესაც ჩვენ სასჯელაღსრულების დაწესებულებაზე ვსაუბრობთ უნდა გვახსოვდეს, რომ იქ იმყოფებიან სამართალდამრღვევები. ამასთან ერთად, არსებობს გარკვეული კონტინგენტი, რომლის მიმართაც შეიძლება იყოს გამოყენებული დამატებითი ღონისძიებები უშუალოდ სასჯელაღსრულების სისტემაში“, - განაცხადა მაია ცქიტიშვილი.

ცნობისთვის, სახალხო დამცველმა ნინო ლომჯარიამ პენიტენციურ დაწესებულებებზე ანგარიშის წარდგენისას აღნიშნა, რომ ციხეებში არსებობენ პრივილეგირებული პატიმრები. ამასთან, ღია ტიპის დაწესებულებებში, სახალხო დამცველისადმი მომართვიანობა მკვეთრად დაბალია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი