„ჩემთვის რაც ყველაზე მნიშვნელოვანი იყო, ბატონმა ბიძინამ აბსოლუტურად, გულწრფელად, ღიად უპასუხა საზოგადოებაში დაგროვილ კითხვებს“, - ამის შესახებ საქართველოს პრემიერ-მინისტრმა გიორგი გახარიამ ბიძინა ივანიშვილის ინტერვიუს შეფასებისას ჟურნალისტებს განუცხადა.

როგორც მან აღნიშნა, მისთვის ყველაზე მნიშვნელოვანი იყო ხაზგასმა იმისა, რამდენად რთულია დემოკრატიული ინსტიტუტებისა და პროცედურების სრული დაცვით ქვეყნის მართვა წარმატებულად.

„რამდენად რთულია სრული დემოკრატიული ინსტიტუტების დაცვით ქვეყნის მართვა წარმატებულად და ეს ის გამოწვევა და ვალდებულებაა, რომელიც ჩვენ უნდა შევასრულოთ. მარტივია ქვეყნის მართვა, როდესაც შენს ხელთ არსებულ ინსტრუმენტებს იყენებ უკანონოდ. რთულია ქვეყნის მართვა, როდესაც აბსოლუტურად დემოკრატიულ გარემოში, სადაც მედია თავისუფალია, სადაც გამოხატვის თავისუფლებას არაფერი ემუქრება, სადაც ისეთი დოზის დემოკრატია და გამოხატვის თავისუფლება გვაქვს, როდესაც ზოგიერთები პარლამენტის შტურმს და ბლოკირებას გამოხატვის თავისუფლებად აღიქვამენ, ეს იყო ჩემთვის ძირითადად გასაგები.  მინდა ხაზგასმით აღვნიშნო, რომ ის მიზანი, რომელიც ჩვენ ბიძინა ივანიშვილის ინტერვიუში დავინახეთ ჩემთვის არის აბსოლუტურად გასაგები და ეს არის ის, რა მიმართულებითაც ჩვენ ვიმუშავებთ. ამ ქვეყანაში, ბოლო წლებში ყველა აქცია, რომელიც რჩებოდა კანონის ფარგლებში და იყო მშვიდობიანი არაფერი არ დამუქრებია. კიდევ ერთხელ ვიმეორებ, ბლოკირება, სახელმწიფო ინსტიტუტებისთვის ხელის შეშლა არ არის კანონიერი“, - განაცხადა გახარიამ.

ავტორი: ექსპრესნიუსი,

სოციალური ქსელები

2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო

თურქეთის პარლამენტმა 15 წლამდე ასაკის მოზარდებისთვის სოციალურ მედიაზე წვდომა შეზღუდა

„ეს სასარგებლო იქნება“: ტრამპს პუტინის ნახვა აშშ-ში G20-ის სამიტზე სურს

PSP-ს კამპანიის „ჩიტებს ფრენა არ ავიწყდებათ“ კიდევ ერთი საერთაშორისო აღიარება - CLIO Awards-ის 2 ჯილდო მოიპოვა