საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრ სოზარ სუბარის განცხადებით, საოკუპაციო ზოლზე შექმნილ ვითარებასთან დაკავშირებით, საქართველო თავის პოზიციას საერთაშორისო დონეზე მკაფიოდ წარმოაჩენს.

ამის შესახებ სუბარმა  ჟურნალისტებს 2015 წლის "ევროპის ახალგაზრდულ ოლიმპიურ ფესტივალში" მონაწილე სპორტსმენებთან  შეხვედრის დასრულების შემდეგ განუცხადა.

როგორც სუბარმა აღნიშნა, მას ხელისუფლების ყოფილი წარმომადგენლების გაკვირვებია, რომლებსაც 2008 წლის ომის შემდეგ, რუსეთის მიერ რაჭაში საზღვრის გადმოწევის ფაქტთან დაკავშირებით, არანაირი რეაგირება არ მოუხდენიათ.

"დღეს რაც საოკუპაციო ზოლზე ხდება, ისაა რაც 90-იან წლებში და 2008 წელს დაიწყო.საქართველო საერთაშორისო დონეზე თავის პოზიციებს მკაფიოდ  წარმოაჩენს და ჩვენ ამას მაქსიმალურად ვაკეთებთ. გამკვირვებია იმ ადამიანების, ხელისუფლების ყოფილი წარმომადგენლების და მათი ე.წ.  აქტივისტი არასამთავრობო ორგანიზაციების, რომლებსაც ხმა არ ამოუღიათ მაშინ, როდესაც 2008 წლის ომის და რამდენიმე წლის შემდეგ, 20 კილომეტრით გადაწია შუაგულ რაჭაში რუსეთმა საზღვარი, მათ არც საერთაშორისო დონეზე არ დაუწყიათ საუბარი, არც შიგნით გაკეთებულა განცხადებები, არც ტრანსფარანტები აღუმართავთ, მაშინ, როდესაც რაჭის შუაგულში რუსეთმა რამდენიმე ჰექტარი სახნავ-სათესი მიწა წაიღო. სამწუხარო რეალობაა, მაგრამ ჩვენი ერთადერთი ინსრუმენტი საერთაშორისო თანამეგრობა და საერთაშორისო ასპარეზია.ამიტომ, ჩვენი მხრიდან მაქსიმუმი კეთდება",-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი