2019-11-25 13:59:31, 1156 ნახვა

---

„გაბედეს“ წევრებმა რესპუბლიკის მოედანზე საკანი დადგეს, რომელშიც სათამაშო ზებრა გალიის კიდეზე ჯაჭვით არის მიბმული

მოძრაობა „გაბედემ“ პირველი რესპუბლიკის მოედანზე აქცია-პერფორმანსი გამართა.

მათ ადგილზე საკანი დადგეს, რომელზეც ბიძინა ივანიშვილის ფოტოა გაკრულ. ამასთან, საკანში სათამაშო ზებრაა მოთავსებული, რომელიც კიდეზე ჯაჭვით მიაბეს.

აქციის მონაწილეები აცხადებენ, რომ თუ ივანიშვილი ოპოზიციისა და სამოქალაქო აქტივისტების მოთხოვნებს არ შეასრულებს, თავადაც საკანში აღმოჩნდება.

„ეს საკანი არის ბიძინა ივანიშვილის ბედის სიმბოლო, მას უახლოეს მომავალში ამ საკანში მოვათავსებთ“, - აღნიშნა აქციის ერთ-ერთმა მონაწილემ.

აქციის მონაწილეებმა აქვე დააანონსეს, რომ დღევანდელ მსვლელობას შეუერთდებიან და ხალხს ქუჩაში გამოსვლისკენ მოუწოდეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი