„ვიხილეთ აღმაშფოთებელი თავდასხმები სამართალდამცველებზე, განსაკუთრებით გამოვყოფ „ნაციონალური მოძრაობის“ ლიდერის, გრიგოლ ვაშაძის გაუგონარ ქმედებებს“, - ამის შესახებ პრემიერ-მინისტრის მრჩეველმა სოზარ სუბარმა „ქართული ოცნების“ ოფისში, ჟურნალისტებს განუცხადა.

როგორც მან აღნიშნა, რუსთაველზე განვითარებული მოვლენების გამო, „ნაციონალური მოძრაობა“ მწარე პოლიტიკურ ფასს გადაიხდის.

„იმ დროს, როდესაც პოლიცია მოქმედებდა აბსოლუტურად კანონის ფარგლებში, სპეცრაზმი მოქმედება კანონის ფარგლებში, ვიხილეთ აღმაშფოთებელი თავდასხმები პოლიციელებზე და განსაკუთრებით გამოვყოფ „ნაციონალური მოძრაობის“ ლიდერის, მათი პარტიის თავმჯდომარის, გრიგოლ ვაშაძის გაუგონარ ქმედებას, როცა თავს დაესხა სპეცრაზმელებს და ხელებს უტყაპუნებდა მათ. ეს ცდება ყველანაირ ადამიანურ ჩარჩოებს, რაც კი შეიძლება ადამიანმა წარმოიდგინოს და ბუნებრივია, ამის გამო „ნაციონალური მოძრაობა“ გადაიხდის ძალიან მწარე პოლიტიკურ ფასს“, - განაცხადა სოზარ სუბარმა.

შეგახსენებთ, პარლამენტის შენობასთან მიმდინარე აქცია სპეციალური დანიშნულების რაზმმა დაშალა. სამართალდამცველებთან დაპირისპირების დროს რამდენიმე ადამიანი დაშვადა. ამასთან, შსს-ს ინფორმაციით, პოლიციამ დღევანდელ აქციაზე 18 პირი დააკავა.

ავტორი: ექსპრესნიუსი,

სოციალური ქსელები

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია

სასამართლომ ირაკლი კობახიძის წინააღმდეგ მზია ამაღლობელის სარჩელზე საქმის წარმოება შეწყვიტა

პენიტენციური: რატიანის კომუნიკაცია სხვა მსჯავრდებულებთან შესაძლოა, გარკვეულ რისკს შეიცავდეს