„ბებიაშენს მოგცემ მე შენ. ნუ იკრიჭებით“ - ასე მიმართა საპარლამენტო უმრავლესობის წევრმა ირაკლი კობახიძემ ოპოზიციის დეპუტატებს პარლამენტის პლენარულ სხდომაზე, სადაც პროპორციულ საარჩევნო სისტემასთან დაკავშირებით, მმართველი გუნდის მიერ მომზადებული კანონპროექტის განხილვა მიმდინარეობს.

 „ერთადერთი რაც შეგვიძლია გავაკეთოთ, არის ის, რომ არა ვიმოქმედოთ ისე, როგორც აწყობს ამ პოლიტიკურ პარტიას, აბსოლუტურად მარგინალურ პარტიას, „ერთიანი ნაციონალური მოძრაობის“ ყველა განშტოებას, ვგულისხმობ „ნაცებს“, „შმაცებს“ და „შმაცუნებს“, - განაცხადა კობახიძემ.

სწორედ ამ განცხადებას მოჰყვა ხმაური ოპოზიციიდან, რაზეც კობახიძემ მათ ასე უპასუხა: „ნუ იკრიჭებით რა. ბებიაშენს მოგცემ მე შენ. გაიკრიჭე და იმიტო გითხარი“. მანვე თანაგუნდელებს მიმართა, ოპოზიციის შეძახილებს ყურადღება არ მიაქციონ: „ნუ მიაქცევ ყურადღებას, ესენი არიან მარგინალები და ბერბიჭაშვილები. ამაზე ჩემი დასკვნა გავაკეთე“.

ცნობისთვის, პარლამენტის პლენარული სხდომა ხმაური ფონზე მიმდინარეობს. საპარლამენტო უმრავლეობის დეპუტატების ნაწილი აცხადებს, რომ მათივე თანაგუნდელების მიერ მომზადებულ პროპორციულ საარჩევნო სისტემის კანონპროექტს მხარს არ დაუჭერენ. თავის მხრივ, მეორე ნაწილი ამბობს, რომ მმართველი გუნდი დაპირებას შეასრულებს და კანონპროექტს არ ჩააგდებს.

რაც შეეხება ოპოზიციას, ისინი აცხადებენ, რომ თუ „ქართული ოცნება“ დაპირებას არ შეასრულებს, პროპორციული სისტემის მხარდამჭერებთან ერთად ქუჩაში გავლენ და პროტესტს აქციების ფორმატში გააგრძელებენ.

ავტორი: ექსპრესნიუსი,

სოციალური ქსელები

დიდმა ბრიტანეთმა ორბიტაზე ახალი სამხედრო თანამგზავრი გაუშვა

ფინეთი საზღვრის ტანკსაწინააღმდეგო თხრილების გაყვანას გეგმავს

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს