2019-11-12 17:31:29, 1513 ნახვა

---

თბილისის ზღვაზე მოკლული მამაკაცი ემზარ კვიციანის ძმისშვილის მეგობარია, თავად ბექა კვიციანს კი, ამ დრომდე ეძებენ

დეპუტატ  ემზარ კვიციანის თქმით, თბილისის ზღვაზე მოკლული მამაკაცი მისი ძმისშვილის ბექა კვიციანის მეგობარია.

როგორც მან აღნიშნა, ბექა კვიციანს პოლიცია ორი დღეა ეძებს.

„ორივე დაკარგულები იყვნენ, ორივეს ეძებდნენ. ნოდარ ცხადაძე მოინახა და ბექა ჯერ არ არის მოძებნილი. არაფერი ვიცი, არიან ერთმანეთის ნათესავები, ერთად გაზრდილები და ჩემი ძმისშვილი მისი ბავშვის ნათლიაა. ამიტომ , ჯერ ვერაფერს გეტყვით. არაფერი ვერსია არ არსებობს. ჩემი ძმისშვილი ამ დრომდე არ გამოჩენილა“, - განაცხადა ემზარ კვიციანმა.

შეგახსენებთ, თბილისის ზღვაზე 36 წლის მამაკაცის ცხედარი იპოვეს, რომელსაც ცეცხლსასროლი იარაღით მიყენებული რამდენიმე ჭრილობა აღენიშნება.

შსს-მ მომხდარზე გამოძიება სისხლის სამართლის კოდექსის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი