ვანო ზარდიაშვილს დეპუტატის უფლებამოსილება ოფიციალურად დღეს შეუჩერდება

2019-11-12 10:24:49, 1078 ნახვა

პოლიტიკა

კოალიცია „ქართული ოცნების“ ყოფილ დეპუტატს უფლებამოსილება დღეს, პარლამენტში გამართულ პლენარულ სხდომაზე ოფიციალურად შეუჩერდება.

შეგახსენებთ, ვანო ზარდიაშვილმა დეპუტატის მანდატის დატოვებაზე განცხადება 7 ოქტომბერს გააკეთა.

როგორც მან აღნიშნა, მას არ სურდა პროვოკაციების წყარო ყოფილიყო.

ამასთანავე, თანამდებობის დატოვების ერთ-ერთ მიზეზად ზარდიაშვილმა მისი ოჯახის წევრების და არასრულწლოვანი შვილების ფსიქიკური წნეხი დაასახელა.

დეპუტატი პარტიული საარჩევნო სიის მომდევნო კანდიდატს, ამ შემთხვევაში თბილისის საკრებულოს დეპუტატს, ირაკლი ზარქუას უნდა ჩაენაცვლებინა, რომელმაც პარლამენტის წევრობაზე უარი განაცხადა. ირაკლი ზარქუას შემდეგ სიით მომდევნო კანდიდატი თემურ გოცირიძეა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,