2019-11-09 13:41:31, 1503 ნახვა

---

გვანცა გარმელია; მათ, ვისაც ფილმის „და ჩვენ ვიცეკვეთ“ ბილეთები ჰქონდათ და ვერ მოახერხეს შემოსვლა, დღეს ვეპატიჟებით

„მათ ვისაც ფილმის „და ჩვენ ვიცეკვეთ“ ბილეთები ჰქონდათ და ვერ მოახერხეს შემოსვლა დღეს ვეპატიჟებით“, - ამის შესახებ კინოთეატრების მარკეტინგის დირექტორმა, გვანცა გარმელიამ განაცხადა.

მისი თქმით, კინოთეატრ „ამირანში“ ფილმის „და ჩვენ ვიცეკვეთ“ სეანსები გუშინდელის მსგავსად, 19:30 და 22:00 საათზე ჩატარდება. 

„მათ ვისაც ბილეთი ქონდათ და ვერ მოახერხეს შემოსვლა, ასეთ ადამიანებს ვეპატიჟებით დღეს ფილმის სანახავად.  დღევანდელი სეანსები ჩატარდება ისე, როგორც იყო დაგეგმილი. კინოთეატრ „ამირანის“ შემთხვევაში 19:30 და 22:00 საათზე. გუშინ მოხდა კინოთეატრ „ამირანის“ საკუთრების დაზიანება და ასევე, იყო მცირე ვანდალიზმის ფაქტებიც. მიუხედავამ ამისა, ფილმის ჩვენებამ დარბაზში მყოფი მაყურებლებისთვის მშვიდ გარემოში ჩაიარა“ - განაცხადა გვანცა გარმელიამ.

შეგახსენებთ, ლევან აკინის ფილმის „და ჩვენ ვიცეკვეთ“ ჩვენება გუშინ, 8 ნოემბერს, ჰომოფობიური ჯგუფების პროტესტის ფონზე  გაიმართა.

პირველი ჩვენება, „კავეას“ ოთხივე კინოთეატრში, ასევე „ამირანსა“ და  ბათუმში „აპოლოში“ 19:30 საათზე დაიწყო. ყველა კინოთეატრი მაყურებლით იყო გავსებული. 

მეორე ჩვენება 22:00 საათზე გაიმართა და ასევე ანშლაგით დასრულდა ექვსივე კინოთეატრში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი