„ის, რაც გუშინ ვიხილეთ, ცუდი სანახავი იყო, ძალიან სამწუხაროა“, - ასე ეხმაურება თბილისის მერი კახი კალაძე გუშინ, ფილმის „და ჩვენ ვიცეკვეთ“ წინააღმდეგ გამართულ საპროტესტო აქციას.

მისი თქმით, საქართველოში მცხოვრები განსხვავებული ეროვნების, სარწმუნოების და ორიენტაციის ადამიანების უფლებები ყოველთვის იყო დაცული და ეს ასე გაგრძელდება.

„ძალიან ცუდი სანახავი იყო ის რაც გუშინ ვიხილეთ, ძალიან სამწუხაროა. მე ერთი რამ შემიძლია ვთქვა, საქართველოში წლების განმავლობაში ცხოვრობდნენ, ცხოვრობენ და მომავალშიც იცხოვრებენ განსხვავებული ეროვნების, სარწმუნოების და ორიენტაციის ადამიანები და ყველას უფლებები ყოველთვის იყო დაცული, ეს დღესაც ასე იქნება და მომავალშიც“, - განაცხადა კახი კალაძემ.

თბილისის მერი ასევე გამოეხმაურა ოპოზიციის ბრალდებებს იმასთან დაკავშირებით, რომ რადიკალური დაჯგუფებები ხელისუფლებასთან შეთანხმებით მოქმედებენ.

კალაძის განმარტებით, საქმე ორ რადიკალურ ძალასთან გვაქვს, რომლებიც ერთმანეთს აცოცხლებს.

„ჩვენ ორ რადიკალურ ძალასთან გვაქვს საქმე. ერთი - ის ადამიანები , რომლებიც აქციის ორგანიზატორები არიან, მათ შორის ლევან ვასაძე და სანდრო ბრეგაძე. მეორე კი ის ოპოზიცია, რომელზეც თქვენ საუბრობთ. ეს არის ორი ძალა, რომელიც ერთმანეთს აცოცხლებს. ვფიქრობ, საზოგადოება ყველაფერს კარგად ხედავს და ანალიზზსაც სწორს გააკეთებს“,- განაცხადა კალაძემ.

ავტორი: ექსპრესნიუსი,

სოციალური ქსელები

აშშ-მ რუსულ ნავთობზე სანქციები აღადგინა შეღავათების ვადის გაგრძელების გარეშე

კალასი - ყველა ქვეყანამ უნდა გადადგას აუცილებელი ნაბიჯები იმის უზრუნველსაყოფად, რომ ადამიანებს ჰქონდეთ თავისუფლება, იცხოვრონ ისე, როგორც თავად აირჩევენ, შიშისა და დევნის გარეშე

პატრიარქი შიო III ოჯახის სიწმინდის დღესთან დაკავშირებით, სამების ტაძარში პირველ სადღესასწაულო წირვას აღავლენს

17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა