„საუბარი იყო, როგორც ჩვენი ქვეყნის მიერ მიღწეულ პროგრესზე, ასევე იმ გამოწვევებზე, რაც ჩვენ წინაშე დგას. ოპოზიციას, როგორც უნდა ისე კითხულობს ამ განცხადებებს, მათ შორის კითხულობს იმას, რაც არ თქმულა“, - ამის შესახებ პარლამენტის თავმჯდომარის პირველმა მოადგილემ, თამარ ჩუგოშვილმა, საქართველოში აშშ-ს ელჩად წარდგენილ, კელი დაგნანის განცხადებასთან დაკავშირებით განაცხადა.

ჩუგოშვილის თქმით, ელჩის განცხადება იყო ლოგიკური და შესაბამისად ამერიკის შეერთებულ შტატებთან პარტნიორობით საარჩევნო სისტემაში არსებული პრობლემების აღმოფხვრა მიმდინარეობს.

„ჩვენი ქვეყნისთვის რომ მომავალ წელს უმნიშვნელოვანესი პოლიტიკური პროცესი იქნება საპარლამენტო არჩევნები, ეს არ არის სიახლე, არც ჩვენთვის და არც ამერიკის შეერთებული შტატებისთვის. ყველამ ვიცით, რომ უმნიშვნელოვანესი არჩევნები გველის წინ. ჩვენი პარტნიორები უკვე ჩართულნი არიან ამ პროცესში, ჩვენ ერთად ვმუშაობთ საარჩევნო რეფორმაზე, მათი ექსპერტებიც მონაწილეობენ ჩვენთან ერთად კანონპროექტის შემუშავებაში. ჩვენს პროპორციულ საარჩევნო სისტემას აქვს საკმაოდ პოზიტიური გამოხმაურება მათი მხრიდან და ეს არის აღქმული ძალიან მნიშვნელოვანი ცვლილება“, - აღნიშნა ჩუგოშვილმა.

შეგახსენებთ, რომ საქართველოში აშშ-ს ელჩობის კანდიდატმა კელი დაგნანმა სენატის საგარეო ურთიერთობების კომიტეტზე სიტყვით გამოსვლისას განაცხადა, რომ საქართველოში დაგეგმილი 2020 წლის საპარლამენტო არჩევნები სამართლიანად ჩატარდება.

მოამზადა ლიკა ბესელიამ

ავტორი: ექსპრესნიუსი,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში