„ამ დოკუმენტის მიღება ადასტურებს იმას, რომ ჩვენ გვაქვს ამერიკის საკანონმდებლო შტოს ორპარტიული მხარდაჭერა და თავად ის ფაქტი, რომ აშშ-ს დღევანდელი პოლიტიკური დღის წესრიგი უაღრესად დახუნძლულია მრავალი სერიოზული საკითხით“, - ამის შესახებ საქართველოს საგარეო საქმეთა მინისტრმა დავით ზალკალიანმა, აშშ-ს წარმომადგენელთა პალატის მიერ საქართველოს მხარდამჭერი აქტის დაამტკიცების საკითხთან დაკავშირებით განაცხადა. 

მისი თქმით, ის რომ წარმომადგენელთა პალატის მხრიდან კეთდება ასეთი განცხადებები არის ღია დასტური იმისა, რომ ამერიკა რუსეთს და საერთაშორისო საზოგადოებას გზავნილს უგზავნის, რომ ნებისმიერ შემთხვევაში აშშ საქართველოს მთავარი პარტნიორი იქნება. 

„დღევანდელი პოლიტიკური დღის წესრიგი უაღრესად დახუნძლულია მრავალი სერიოზული საკითხით. იმ დროს, როდესაც აშშ-ს მხრიდან ასეთი მაღალი საკითხის დოკუმენტის მიღება ხდება საქართველოსთან მიმართებაში, ადასტურებს იმას, თუ რა ოდენ მნიშვნელოვანია აშშ-სთვის საქართველოსთან სტრატეგიული ურთიერთობა“, - განაცხადა ზალკალიანმა.

ცნობისთვის, აშშ-ის კონგრესმა საქართველოს მხარდამჭერი ორპარტიული აქტი დაამტკიცა. 

მოამზადა ლიკა ბესელიამ

ავტორი: ექსპრესნიუსი,

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს