მომავალი წლის ბიუჯეტის დაგეგმვისა და მუნიციპალიტეტებში აქტუალური საკითხების მოგვარების მიზნით ღია შეხვედრები მოსახლეობასთან გრძელდება.

ზამლეთის ადმინისტრაციული ერთეულის სოფლების ნენიის, ბუთურაულის, ნიგაზეულის, ფურტიოს, მჭედლურისა და ფორჩხეთის მოსახლეობას შუახევის მერი ფრიდონ ფუტკარაძე, საკრებულოს წევრთან ამირან ბერიძესთან და სხვა ხელმძღვანელ პირებთან ერთად შეხვდა.

ხელისუფლების წარმომადგენლებმა ადგილობრივი მოსახლეობისგან, მათთვის აქტუალური საკითხები მოისმინეს.

ძირითად საჭიროებებად წყალმომარაგების გაუმჯობესება, საგზაო ინფრასტრუქტურის მოწესრიგება და სხვადასხვა ინფრასტრუქტურასთან დაკავშირებული საკითხები დასახელდა. ასევე, ერთობლივად იმსჯელეს 2020 წლის საბიუჯეტო პრიორიტეტებზე, მიმდინარე და დაგეგმილ პროექტებზე.

მოსახლეობასთან შეხვედრების პარალელურად, ფრიდონ ფუტკარაძე ბუთურაულში როლანდ დიასამიძისა და ნენიაში, დედეშვილების უბანში გელა მამულაძის მრავალშვილიან, სოციალურად დაუცველ ოჯახებს სტუმრობდა, რომლებსაც ერთჯერადად მატერიალური დახმარებია გაუწია.

ნიგაზეულში, ფრიდონ ფუტკარაძემ კეკელიძეების საოჯახო სასტუმროც დაათვალიერა და ,,მწვანე სახლში" სიმბოლურად ღამე გაათია. ოჯახს წარმატებები უსურვა და აღნიშნა, რომ სოფლად ტურიზმისა და საოჯახო სასტუმროების განვითარების პერსპექტივაზე სახელმწიფო მნიშვნელოვნ ნაბიჯებს დგამს. კეკელიძეებმა სასტუმრო USSAD -ს პროგრამის ფარგლებში მოაწყეს და 10-წელზე მეტია სხვადასხვა ქვეყნიდან ვიზიტორებსა და ტურისტებს მასპინძლობენ. მოსულ სტუმრებს ,,მწვანე სახლში“ ისტორიულ და ღირსშესანიშნავ ადგილების დათვალიერებასთან ერთად აჭარულ კერძებსაც სთავაზობენ.

შემდეგ შეხვედრებს მოსახლეობასთან შუახევის მერი უჩამბის ადმინისტრაციული ერთეულის სოფლებში გამართავს.

(NS)

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო