სვანეთში მაშველებმა 4 დაკარგული ტურისტი იპოვეს

2015-07-16 11:07:40, 548 ნახვა

საზოგადოება

შსს-ს საგანგებო სიტუაციების მართვის სააგენტოს მაშველებმა, ჩატარებული ღონისძიების შედეგად, ქვემო სვანეთში, ლენტეხის რაიონის სოფელ ბენიერში 4 დაკარგული ტურისტი იპოვეს.

ინფორმაციას შინაგან საქმეთა სამინისტროს პრესსამსახური ავრცელებს.

„ შსს-ს საგანგებო სიტუაციების მართვის სააგენტოში შემოვიდა შეტყობინება, რომ ჩეხეთის მოქალაქეები გზას ვეღარ განაგრძობდნენ და ითხოვდნენ შველას.

ადგილზე დაუყოვნებლად გავიდნენ რაჭა-ლეჩხუმისა და ქვემო სვანეთის საგანგებო სიტუაციების მართვის სამმართველოს ცაგერის სახანძრო-სამაშველო განყოფილების მეხანძრე-მაშველები . აღნიშნულ სამაშველო ოპერაციაში დამატებით ჩაერთო სააგენტოს განსაკუთრებულ საგანგებო სიტუაციებზე რეაგირების სამმართველოს 10 კაციანი ჯგუფი.

აღნიშნული ღონისძიების შედეგად, ტურისტები უვნებლად გადაიყვანეს უსაფრთხო ადგილზე“, – აცხადებენ შსს–ში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან