ევროპის უნივერსიტეტის დოქტურანტურის მკვლევარის გრიგოლ გეგელიას შეფასებით,  სასულიერო პირები და „ჩოხოსანი ვაჟკაცები“ სხვადასხვა სამოქალაქო „რიტუალებში“ აქტიურ მონაწილეობას იღებენ, მაგალითად როცა საუბარია ქალაქის ქუჩებში სექსუალური უმცირესობის დევნაზე და ა.შ.

ხოლო, როდესაც საქმე ეხება ქვეყნის დამოუკიდებლობას, ტერიტორიულ მთლიანობასა და ღირსებას, გეგელიას თქმით, ისინი უჩინარდებიან. 

„როგორც კი საქმე ჩვენი სამშობლოს რეალური მტრისგან დაცვას ეხება, პირველი სასულიერო პირები, მათი ფანატიკოსი და უმეცარი მიმდევრები და ჩოხოსანი მამულიშვილ-ვაჟკაცები უჩინარდებიან. ეს კი ის ხალხია, ვინც სხვა დროს სხვადასხვა ფორმით, მაგრამ თითქმის პერმანენტულად ეწევა სახელმწიფოს წარმოსახვითი მტრებისგან განწმენდის რიტუალს. ეს ის ხალხია, ვინც საკუთარი წარმოსახვის ქალაქის ქუჩებში გეებს, ამერიკის აგენტებს, მასონებს, ვამპირებსა და დემონებს დასდევს...
დიახ, ყველა სხვა დროს, ისინი ლამის ყველა სხვა საკითხზე ხმას იღებენ: ქალის როლზე ოჯახში, სექსუალურ იდენტობაზე, სახელმწიფოს საგარეო კურსზე, სახელმწიფოს საშინაო კურსზე, სხვების თმის სტილსა და ჩაცმულობაზე და საერთოდ რაზე არა. მაგრამ არასდროს იმაზე, რაც ნამდვილად მნიშვნელოვანია — ჩვენი სახელმწიფოს კეთილდღეობა, მისი დამოუკიდებლობა, მისი ტერიტორიული მთლიანობა და ღირსება.
ეს არის მათი რეალური სახე“, – აღნიშნა „ექსპრესნიუსთან“ საუბარში გრიგოლ გეგელიამ. 

ცნობისთვის, 10 ივლისს, რუსეთის საოკუპაციო ძალების მიერ, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. ,,საზღვრის“ აღმნიშვნელი ბანერები უკანონოდ იქნა აღმართული. ორივე ტერიტორიის სიახლოვეს ბაქო-სუფსას მილსადენის გარკვეული სეგმენტები მდებარეობს და განხორციელებული უკანონო ქმედებით სოფელ ორჭოსანის მიმდებარე ტერიტორიაზე ნავთობსადენის გარკვეული ნაწილი ოკუპირებულ ტერიტორიაზე მოექცა.

შეგახსენებთ, ქართველი ჟურნალისტების აქცია 2014 წლის 28 სექტემბერსაც გაიმართა, მაშინ მედიის წარმომადგენლებმა სოფელ დვანში მცოცავი ოკუპაცია და ე.წ საზღვრის დემარკაცია გააპროტესტეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინოდის სხდომა დასრულდა - ასაკის ცენზზე შეთანხმებას ვერ მიაღწიეს, განათლებაზე არ უმსჯელიათ

წყნეთში, სკვერში დენის დარტყმის შედეგად გარდაცვლილი მოზარდის ოჯახი მომხდარზე პასუხისმგებლობას კალაძეს აკისრებს

მედვედევი: დროა, შევწყვიტოთ ტოლერანტული დამოკიდებულება მეზობლების EU-ში გაწევრიანების მიმართ

პაპუაშვილი მოლდოვის ყოფილ პრეზიდენტ დოდონს და პრორუს დეპუტატებს შეხვდა