შინაგან საქმეთა მინისტრი ვახტანგ გომელაური საქართველოში საფრანგეთის რესპუბლიკის ახალ ელჩს - დიეგო კოლასს შეხვდა. ვახტანგ გომელაურმა ფრანგულ მხარეს საქართველოს შინაგან საქმეთა სამინისტროს შესაძლებლობების განვითარებაში შეტანილი წვლილისთვის მადლობა გადაუხადა.

შეხვედრაზე მხარეებმა საოკუპაციო ხაზის მიმდებარედ უკანასკნელ პერიოდში განვითარებული მოვლენები, ასევე, ადგილობრივი მოსახლეობის უსაფრთხოებისა და ჰუმანიტარული კუთხით არსებული ვითარება განიხილეს.

მხარეებმა განსაკუთრებულად აღნიშნეს საქართველოსა და საფრანგეთის რესპუბლიკის სამართალდამცავი უწყებების მჭიდრო და ნაყოფიერი ურთიერთობა და თანამშრომლობის სამომავლო გეგმები განიხილეს. ეფექტიანი ორმხრივი თანამშრომლობის მაგალითია 2019 წლის 10 მაისს საფრანგეთის რესპუბლიკის შინაგან საქმეთა მინისტრის საქართველოში ვიზიტის ფარგლებში ხელმოწერილი ადმინისტრაციული შეთანხმება, რომლის საფუძველზე მიმდინარე წლის სექტემბერში შინაგან საქმეთა სამინისტრომ საფრანგეთში 6 თვის ვადით 3 პოლიციის ოფიცერი მიავლინა. აღნიშნული თანამშრომლობის მიზანია საფრანგეთის სამართალდამცავი ორგანოებისთვის დახმარების აღმოჩენა საფრანგეთში საქართველოს მოქალაქეების მიერ ჩადენილი დანაშაულის გამოვლენასა და უკანონო მიგრაციასთან ბრძოლაში.

ვახტანგ გომელაურმა და საფრანგეთის ელჩმა დამატებით განიხილეს ევროკავშირთან უვიზო რეჟიმის შენარჩუნების კუთხით საქართველოს შინაგან საქმეთა სამინისტროს მიერ განხორციელებული და მიმდინარე ღონისძიებები.

(NS)

ავტორი: ექსპრესნიუსი,

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს