|
2019-09-18 13:10:20, 1859 ნახვა
ეკონომიკა
პრემიერმა და საფრანგეთის ელჩმა ორმხრივი ეკონომიკური თანამშრომლობის გაღრმავების პოტენციალი განიხილეს
საქართველოსა და საფრანგეთს არაერთ სფეროში ნაყოფიერი ურთიერთობები აკავშირებთ და ვიმედოვნებ, თქვენი მისიის განმავლობაში ეს თანამშრომლობა კიდევ უფრო გაღრმავდება, - ამის შესახებ საქართველოს პრემიერ-მინისტრმა გიორგი გახარიამ საფრანგეთის ახლად დანიშნულ ელჩთან დიეგო კოლასთან შეხვედრისას განაცხადა. გაცნობითი ხასიათის შეხვედრაზე ყურადღება გამახვილდა ორმხრივი პოლიტიკურ-ეკონომიკური კავშირების განვითარების პოზიტიურ დინამიკაზე, ასევე - ევროპული და ევროატლანტიკური ინტეგრაციის პროცესში საქართველოს მიერ მიღწეულ პროგრესზე. პრემიერ-მინისტრმა ხაზი გაუსვა საფრანგეთის მნიშვნელოვან მხარდაჭერას, ქვეყნის ევროპული ინტეგრაციის გზაზე,მათ შორის ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის შესახებ შეთანხმების წარმატების განხორციელების პროცესში. გიორგი გახარიამ ასევე ისაუბრა ევროკავშირში ინტეგრაციის საგზაო რუკაზე, რომელიც ევროკავშირთან საქართველოს კიდევ უფრო მეტად დაახლოებას ისახავს მიზნად. საუბრისას აღინიშნა ევროკავშირის ქვეყნებთან უვიზო მიმოსვლის მნიშვნელობა საქართველოს მოქალაქეებისთვის. პრემიერ-მინისტრმა დაადასტურა საქართველოს მთავრობის მზადყოფნა, განაგრძოს მუშაობა, რათა დაცული იყოს ვიზალიბერალიზაციის შეთანხმებით გათვალისწინებული მოთხოვნები. შეხვედრისას საუბარი შეეხო რეგიონში არსებულ ვითარებას და საქართველოს ოკუპირებულ ტერიტორიებზე უსაფრთხოებისა და ჰუმანიტარული კუთხით შექმნილ მძიმე მდგომარეობას. საფრანგეთის ახლად დანიშნულმა ელჩმა პრემიერ-მინისტრს საქართველოს ტერიტორიული მთლიანობისა და სუვერენიტეტისადმი საფრანგეთის მტკიცე მხარდაჭერა დაუდასტურა.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)