„ამ სკოლის მოსწავლეები იქნებიან იმ ფასეულობების მატარებლები, რომელმაც უნდა გააძლიეროს და გახადოს ეს ქვეყანა, საბოლოოდ, ევროკავშირის ორგანული ნაწილი“, - ამის შესახებ საქართველოს პრემიერ-მინისტრმა გიორგი გახარიამ ლისის ტბაზე, „ევროპული სკოლის“ მშენებლობის გახსნაზე განაცხადა.

გახარიამ განსაკუთრებული მადლობა ევროპის სამეზობლო პოლიტიკისა და გაფართოების საკითხებში ევროკომისარს, იოჰანეს ჰანსს გადაუხადა, რომელსაც, მისი თქმით, ამ წამოწყებაში განსაკუთრებული წვლილი აქვს შეტანილი.

„ევროპული სკოლის“ გახსნა არის ძალზედ მნიშვნელოვანი, ხარისხობრივად ახალი დონის ნაბიჯი ჩვენი განათლების სისტემისთვის და, რაც მთავარია, საქართველოს და ევროკავშირს შორისთვის ურთიერთობისთვის. ამისთვის განსაკუთრებული მადლობა უნდა გადავუხადოთ იოჰანეს ჰანსს, რამეთუ ცნობილია მისი პერსონალური, პირადი ღვაწლი ამ წამოწყების განხორციელებაში და, რა თქმა უნდა, ეს არის ჩვენთვის კიდევ უფრო მნიშვნელოვანი. ეს სკოლა, მისი მნიშვნელობა, მისი ხასიათი ადასტურებს საქართველოსა და ევროკავშირს შორის ურთიერთობების მნიშვნელობას, იმ სიღრმეს, რა დონეზეც ჩვენი პარტნიორობა და თანამშრომლობა ვითარდება. რა თქმა უნდა, ამ სკოლის მოსწავლეები იქნებიან იმ ფასეულობების მატარებლები, რომელმაც უნდა გააძლიეროს და გახადოს ეს ქვეყანა, საბოლოოდ, ევროკავშირის ორგანული ნაწილი“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს