ანა ნაცვლიშვილი: ვითანამშრომლებთ ყველასთან, ვინც გვეთანხმება, რომ ქვეყანა შესაცვლელია

2019-09-12 12:52:03, 3919 ნახვა

კომენტარი

მამუკა ხაზარაძის საზოგადოებრივი მოძრაობის სპიკერი ანა ნაცვლიშვილი აცხადებს, რომ "ლელო" ითანამშრომლებს ყველასთან, ვინც გუნდის შეხედულებებს იზიარებს.

როგორც ნაცვლიშვილმა აღნიშნა, საზოგადოებრივი მოძრაობის მიზანი "გამარჯვებული ქვეყნის" შექმნაა.

"გვაქვს კონკრეტული მიზნები და ხედვები, რაც არის გამარჯვებული ქვეყნის შექმნა. შესაბამისად ვითანამშრომლებთ ყველასთან, ვისაც აქვს ჩვენი მსგავსი ღირებულებები და ვინც გვეთანხმება იმაში, რომ ქვეყანა არის შესაცვლელი. რაც აქამდე ხდებოდა ამ სახელმწიფოში არ არის მისაღები და მოსაწონი, იმისთვის, რომ გამარჯვებულ ქვეყნად ვიქცეთ. ყველა ვინც ამ მიზანში შემოგვიერთდება, მასთან ვითანმშრომლებთ. ჩვენი პრიორიტი არის ვიპოვოთ ადამიანები, რომლებიც იციან საქმის კეთება", - განაცხადა ანა ნაცვლიშვილმა.

ცნობისთვის, დღეს "თიბისი ბანკის" დამფუძნებლებმა მამუკა ხაზარაძემ და ბადრი ჯაფარიძემ საზოგადოებრივი მოძრაობა "ლელო" ჩამოაყალიბეს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან