2019-09-09 13:59:08, 2041 ნახვა

---

ხაზარაძე სამთავრობი ცვლილებებზე - ეს არის ძალოვნების მობილიზაცია მომდევნო არჩევნების მოგების მიზნით

„ეს არის მომავალი არჩევნებისთვის ძალოვნების გაძლიერება, იმისათვის, რომ ხელისუფლება შეინარჩუნონ“, - ასე შეაფასა „თიბისი ბანკის“ ერთ-ერთმა დამფუძნებელმა მამუკა ხაზარაძემ სამთავრობო ცვლილებები.

როგორც ხაზარაძემ აღნიშნა, არსებითად არაფერი იცვლება.

„მე მინდა კითხვა დაგისვათ - რამე შეიცვალა 1 წლის განმავლობაში? ჩვენ ასევე ზარ-ზეიმით ვუყურეთ 1 წლის წინაც, როდესაც  წინა პრემიერ-მინისტრი დაინიშნა. რამე შეიცვალა? კონცეპტუალურად რამე ახალი შემოგვთავაზეს? ეს არის მომავალი არჩევნებისთვის ძალოვნების გაძლიერება, იმისათვის, რომ ხელისუფლება შეინარჩუნონ. ასე არ გამოვა.   საქართველოში ყველაფერი შეიძლება შეინარჩუნო, მაგრამ ეს ვერაფრით ვერ მოხდება ვიღაცების თავისუფლების შეზღუდვის ხარჯზე“, - განაცხადა მამუკა ხაზარაძემ.

შეგახსენებთ, გუშინ პარლამენტმა მთავრობის ახალ შემადგენლობას ნდობა გამოუცხადა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი