ლინას ლინკევიჩუსი - მკაცრად ვგმობთ ყველა ქმედებას, რომელიც ე.წ. არჩევნებთან და ბორდერიზაციასთანაა დაკავშირებული

2019-09-09 13:15:43, 2056 ნახვა

პოლიტიკა

„მსურს, მკაცრად დავგმო ყველა ქმედება, რომელიც დაკავშირებულია ე.წ. არჩევნებთან და ბორდერიზაციასთან“, - ამის შესახებ ლიეტუვას საგარეო საქმეთა მინისტრმა ლინას ლინკევიჩუსმა საქართველოს საგარეო მინისტრ, დავით ზალკალიანთან ერთად გამართულ ბრიფინგზე განაცხადა.

როგორც ლინას ლინკევიჩუსმა აღნიშნა, ლიეტუვა საქართველოს ევროინტგრაციის გზაზე მხარს უჭირს.

„ეს ქმედებები მიუღებელია და ვგმობთ მას. ჩვენ ქვეყნებს შორის ურთიერთობები კიდევ უფრო გაძლიერდა. რუსეთის აგრესიის დაგმობასთან ერთად, ჩვენ აქტიურად ვუჭერთ მხარს, რასაც საქართველო აკეთებს ევროინტეგრაციის მიმართულებით. ჩვენ ყოველთვის ვამბობთ, რომ საქართველო ლიდერია ამ მიმართულებით. ნატოსთან მიმართებაში შემიძლია ვთქვა, რომ საქართველო ალიანსის წევრივით მოქმედებს, აგზავნის ჯარისკაცებს, იზიარებს რისკებს, რაც სამომავლოდ ძალიან ძლიერი არგუმენტები იქნება“, - აღნიშნა ლინკევიჩუსმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან