„ჩვენი მთავარი ამოცანა ქვეყნის თავდაცვისუნარიანობის გაძლიერებაა“, - ამის შესახებ თავდაცვის მინისტრობის კანდიდატმა ირაკლი ღარიბაშვილმა პარლამენტში ოთხი კომიტეტის გაერთიანებულ სხდომაზე განაცხადა.

ირაკლი ღარიბაშვილის განმარტებით, სამინისტროში შემუშავებული თავდაცვის სტრატეგიული განვითარების დოკუმენტი და ტრანსფორმაციის გეგმა 2020  წლამდე თავდაცვის სისტემისა და თავდაცვის ძალების განვითარების მთელ რიგ ღონისძიებებს ითვალისწინებს და ის სრულ თანხვედრაშია ჩრდილოატლანტიკური ალიანსის მიერ გატარებულ თავდაცვისა და შეკავების  პოლიტიკასთან.

თავდაცვის მინისტრობის კანდიდატმა განაცხადა, რომ საქართველოს მთავრობა ეროვნული თავდაცვის განვითარების პროცესში, ტოტალური თავდაცვის მიდგომის დანერგვაზე მუშაობას გააგრძელებს. ირაკლი ღარიბაშვილმა სიტყვით გამოსვლისას ქვეყნის მთავარ სტრატეგიულ პარტნიორთან - ამერიკასთან საქართველოს თავდაცვის მზადყოფნის პროგრამის (GDRP) განხორციელების მნიშვნელობა ხაზგასმით აღნიშნა. მან ყურადღება გაამახვილა საინჟინრო, ლოჯისტიკური, სპეციალური დანიშნულების ძალების, საჰაერო თავდაცვის, საჰაერო სატრანსპორტო, ჯავშანსაწინააღმდეგო, დაზვერვის, არტილერიის, მართვისა და კონტროლის, კავშირგაბმულობისა და კომპიუტერული სისტემების შესაძლებლობების, კიბერუსაფრთხოების, სტრატეგიული კომუნიკაციების სფეროების, ეროვნული გვარდიისა და,  თანამედროვე მოთხოვნების გათვალისწინებით, სამხედრო განათლების სფეროს შემდგომ რეფორმირებაზე. ირაკლი ღარიბაშვილის განცხადებით, განხორციელდება ნატო-საქართველოს არსებითი პაკეტით გათვალისწინებული ინიციატივების იმპლემენტაცია. „როგორც ორმხრივი, ისე მრავალმხრივი ფორმატების გამოყენებით, ალიანსისგან მიღებული ეფექტიანი მხარდაჭერით, მიიღწევა ნატოსთან თავსებადობის მაღალი ხარისხი“, - აღნიშნა მან.

(NS)

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ