იუსტიციის უმაღლეს საბჭოსთან, სადაც უზენაესი სასამართლოს მოსამართლეობის კანდიდატების შესარჩევად კენჭისყრა მიმდინარეობს, საპროტესტო აქცია მიმდინარეობს.

აქცია დამოუკიდებელ იურისტთა ჯგუფის მიერ არის ორგანიზებული. აქციის მონაწილეები "სასამართლო სისტემაში კლანურ მმართველობას" აპროტესტებენ. მათ ადგილზე შემდეგი შინაარსის პლაკატები აქვთ მიტანილი: "კლანი უნდა წავიდეს!", "იურისტებო დაიცავით პროფესია", "შეფასდეს კლანური მმართველობა" და სხვა. 

ერთ-ერთი ორგანიზატორის კახა წიქარიშვილის განცხადებით, დამოუკიდებელ იურისტთა ჯგუფმა აღნიშნულ საკითხთან დაკავშირებით, პარლამენტში რეზოლუცია შეიტანა. 

"ჩვენ, დამოუკიდებელი იურისტების ჯგუფმა პარლამენტში შევიტანეთ რეზოლუცია, რომ საკანონმდებლო ორგანომ აღიაროს სასამართლოში კლანური მმართველობა. კლანი არის სასამართლო ხელისუფლების სიმსივნე, რომელიც ვითარდება და დღეს უნდა ავიდეს უზენაეს სასამართლოს თავში. იმისათვის, რომ დღეს გახდე მოსამართლე უნდა მიხვიდე კლანთან, შეჰფიცო ერთგულება და ამის შემდეგ მიგიღებენ სასამართლო სისტემაში. არ აქვს მნიშვნელობა კომპეტენციას და ცოდნას", - განაცხადა აქციის ორგანიზატორმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება