„თბილისის მთავრობის განკარგულებით, ე.წ. მეტრომშენის კორპუსებიდან გამოსახლებულ სოციალურად დაუცველ ოჯახებს,  საცხოვრებელ ფართებს სარგებლობაში მიცემის უფლებით გადასცემენ“, - ამის შესახებ „ექსპრესნიუსს“  ნაძალადევის გამგეობის საზოგადოებასთან  ურთიერთობის საზოგადოებასთან ურთიერთობის სამსახურში განუცხადეს.

მათივე ინფორმაციით,  თბილისის მერია და გამგეობა  გამოსახლებულ, სოციალურად დაუცველ ოჯახებს საცხოვრებელ ფართს სამგორში ან კოჯორში გამოუყოფს.

„დაახლოებით თვენახევრის წინ გამოიცა თბილისის მთავრობის განკარგულება, რომელსაც   მერმა  დავით ნარმანიამ მოაწერა ხელი. მეტრომშენის კორპუსებში მცხოვრებ ოჯახებს, გამოსახლების შემთხვევაში შევთავაზეთ ალტერნატიული ფართები და ვუთხარით, რომ არავითარ შემთხვევაში ქუჩაში არ დარჩებოდნენ.  აღნიშნულ განკარგულებაში წერია, რომ  თბილისის მერია და გამგეობა გამოსახლებულ ოჯახებს ფართს სამგორში ან კოჯორში გამოუყოფს. თუმცა, ეს შენობები ჯერჯერობით  არ არის კეთილმოწყობილი, მერია მალე დაიწყებს საცხოვრებლების კეთილმოწყობას და ამის შემდეგ შეეძლებათ ამ ოჯახებს  გადასვლა. ეს ფართები არ იქნება საკუთრებაში გადაცემული, ეს არის ქალაქის მუნიციპალიტეტის საკუთრება. დოკუმენტში აღნიშნულია, რომ საცხოვრებელი ფართები გამოსახლებულ ოჯახებს გადაეცემათ, როგორც სარგებლობაში მიცემის  უფლებით. ეს ადამიანები იცხოვრებენ მანამ, სანან საკუთარი ფართი არ ექნებათ, მათ  გამგეობის და მერიის მიერ გადაცემული ფართებიდან გამოსახლება არ ემუქრებათ“,- განუცხადეს „ექსპრესნიუსს“ გლდანი-ნაძალადევის გამგეობის პრესსამსახურში.

ცნობისთვის, თბილისის ზღვის უბნის დასახლებაში, ე.წ. მეტრომშენის კორპუსებიდან გამოსახლება დაიწყო. კორპუსებში სოციალურად დაუცველი ოჯახები 2006 წლიდან ცხოვრობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა