საქართველოს პრეზიდენტის ადმინისტრაციის უფროსის მოადგილე, პრეზიდენტის მრჩეველი ეკონომიკურ საკითხებში გიორგი აბაშიშვილი სემეკ-ის წევრობის კანდიდატებს შეხვდა.

პრეზიდენტის მრჩეველმა სემეკის ვაკანტურ თანამდებობებზე კომისიის წევრობის კანდიდატებს იმ პროცესზე ესაუბრა, რომელიც პრეზიდენტის ადმინისტრაციამ დაიწყო და სამ ვაკანტურ თანამდებობაზე კანდიდატების შერჩევას ითვალისწინებს.

 „ძალიან მნიშვნელოვანია ამ პროცესში გამჭვირვალობის უზრუნველყოფა. კანდიდატების შერჩევისას, აღნიშნულ პროცესში ჩართულები არიან ექსპერტები და ამ დარგის სპეციალისტები. დაახლოებით ერთი თვეა რაც პროცესი მიმდინარეობს და დღეს შევხვდით ოცდაათზე მეტ კანდიდატს, რომლებსაც სურთ სემეკ-ის წევრობა. გავაცანით მიმდინარე პროცესი თუ როგორ მოხდება კანდიდატების შერჩევა. ეს პროცესი ღიად და გამჭვირვალედ წარიმართა, ყველა მსურველს შეეძლო ნომინირებული ყოფილიყო წევრობის კანდიდატად. გამომდინარე იქიდან, რომ კანდიდატების რაოდენობა არის უპრეცედენტოდ მაღალი და გრძელდება კონსულტაციები ექსპერტებთან, ჩვენ დიდი პასუხისმგებლობით ვეკიდებით ამ საკითხს.“-განაცხადა გიორგი აბაშიშვილმა.

ენერგეტიკის მარეგულირებელ კომისიაში ორი წევრის პოსტია ვაკანტური. გარდა ამისა, ერთ წევრს ვადა მიმდინარე წლის 5 ოქტომბერს ეწურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა