გერმანიის საგარეო უწყების წარმომადგენელი ჩორჩანასთან შექმნილ ვითარებაზე: მხარეებს დიალოგისკენ მოვუწოდებთ

2019-08-30 17:08:52, 1868 ნახვა

პოლიტიკა

გერმანიის საგარეო საქმეთა ფედერალური სამინისტროს სპეციალური წარმომადგენელი აღმოსავლეთ ევროპის, კავკასიისა და ცენტრალური აზიის საკითხებში მიხაელ ზიბერტი სოფელ ჩორჩანასთან არსებულ ვითარებასთან დაკავშირებით განცხადებას ავრცელებს.

როგორც ზიბერტი Twitter-ის საკუთარ გვერდზე წერს, ის მხარეებს დიალოგისკენ მოუწოდებს.

"ვაფასებთ #EUMM-ის ძალისხმევას, ხელი შეეწყო გუშინ სოფელ ერგნეთში ინციდენტების პრევენციისა და მათზე რეაგირების მექანიზმის შეხვედრის გამართვისთვის. მხარეებს დიალოგის გასაგრძელებლად მზადყოფნის გამოხატვისკენ მოვუწოდებთ, ვინაიდან ჩორჩანას მახლობლად ადმინისტრაციულ ხაზზე არსებული დაძაბულობის მოგვარებას გადამწყვეტი მნიშვნელობა აქვს“, - წერს მიხაელ ზიბერტი.

We appreciate the efforts of #EUMM to co-facilitate yesterday’s IPRM meeting in Ergneti and call upon all sides to show their readiness to continue dialogue, as it is crucial to address current tensions along the ABL around Chorchana. https://t.co/mKzqzxs2TP
— Michael Siebert (@GERonOstpolitik) August 30, 2019