ლოტკინზე, ზღვის უბნის ე.წ. მეტრომშენის კორპუსებში მცხოვრებ სოციალურად დაუცველ ოჯახებს 2008 წელს, მაშინდელი  შინაგან საქმეთა მინისტრის ვანო მერაბიშვილის მიერ გამოცემული ბრძანების საფუძველზე ასახლებენ.

როგორც „ექსპრესნიუსს“  შს სამინისტროს პრესსამსახურში განუცხადეს,  ე.წ. მეტრომშენის კორპუსების ბინებს, სადაც სოციალურად დაუცველები ცხოვრობენ, მესაკუთრეები ჰყავს. სოციალურად დაუცველ ოჯახებთან კი, მერია ფართებით გამოყოფასთან დაკავშირებით მოლაპარაკებას აწარმოებს.

„ქუჩაში არავის ყრიან და პოლიციის მხრიდან არანაირ ძალისმიერ მეთოდებს ადგილი არ აქვს. ეს ხდება 2008 წლის 747–ე ბრძანებით. მერია მათთან აწარმოებს მოლაპარაკებას ფართების გამოყოფასთან დაკავშირებით“, – აცხადებენ შსს–ში.

ცნობისთვის, 2008 წელს „საკუთრებაში არსებული უძრავი ნივთის ხელყოფის ან სხვაგვარად ხელშეშლის აღკვეთის წესის დამტკიცების შესახებ“   ბრძანებაში შესული ცვლილების თანახმად, პირი, რომელიც სხვის საკუთრებაში არსებულ უძრავ ქონებას იკავებს, გაფრთხილების შემთხვევაში ვალდებულია,დატოვოს.

„ სავარაუდო ხელმყოფი ვალდებულია გაფრთხილების ჩაბარების შემდეგ შეწყვიტოს სხვის საკუთრებაში არსებული უძრავი ნივთის ხელყოფა ან სხვაგვარად ხელშეშლა და გაიტანოს მისი მოძრავი ნივთები.“, – ნათქვამია ბრძანებაში.

აღნიშნულ ბრძანებას 2008 წელს , მაშინდელი შს მინისტრი ვანო მერაბიშვილი აწერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა