თბილისის N21 საბავშვო ბაგა-ბაღში მასშტაბური სარეაბილიტაციო პროექტი განხორციელდა. სამუშაოების დაწყებამდე, ნაძალადევის რაიონში მდებარე სკოლამდელი აღზრდის დაწესებულების ერთი ფლიგელი სრულიად ამორტიზებული და საგანმანათლებლო პროცესის წარმართვისთვის გამოუსადეგარი იყო.

ბაღის რეაბილიტაცია წლის დასაწყისში დაიწყო - მოხდა ავარიული კედლების დემონტაჟი, გამაგრება, შეიცვალა ყველა საჭირო კომუნიკაცია და ჩატარდა შიდა რემონტი. პარალელურად, სარემონტო სამუშაოები ჩატარდა ბაღის მოქმედ შენობაში.

დასრულებული სამუშაოები თბილისის საბავშვო ბაგა-ბაღების მართვის სააგენტოს ხელმძღვანელმა კახაბერ გვანცელაძემ რაიონის გამგებელს, ირაკლი ხელაძესა და საკრებულოს კულტურისა და განათლების კომისიის თავმჯდომარეს, თამარ ტალიაშვილს გააცნო.

„ამ შენობაში უმძიმესი მდგომარეობა იყო - სრულიად განადგურებული დერეფნები და ჯგუფები, დაზიანებული სახურავი და უფუნქციო ტერიტორია. პროექტის ფარგლებში, ასევე, ბაღის ტერიტორიაზე აშენდა დამოუკიდებელი შენობები ტექნიკური უზრუნველყოფისთვის, მოეწყო სრულიად ახალი სამზარეულო. ასევე, ბაღში შევიტანეთ ახალი ავეჯი და სხვა აუცილებელი ინვენტარი. ბაღის რეაბილიტაციის პროექტში 500 000 ლარზე მეტი დაიხარჯა“, - განაცხადა თბილისის საბავშვო ბაგა-ბაღების მართვის სააგენტოს ხელმძღვანელმა.

განახლებული N21 ბაგა-ბაღი ფუნქციონირებას  სექტემბრიდან განაახლებს და უკვე ახალ სააღმზრდელო წელს ბავშვებს თანამედროვე, კეთილმოწყობილი საბავშვო ბაღი დახვდებათ.

შენობის დაზიანებული ფლიგელის რეაბილიტაციის შედეგად, ბაღს ორი ახალი სააღმზრდელო ჯგუფი, ღონისძიებების დარბაზი და აქტივობების ჩასატარებელი ორი ღია ვერანდა შეემატა. მსგავსი სივრცეები ბაგა-ბაღს მანამდე არ ჰქონია.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი