„კომედი ჯგუფის“ ნაწილი „რუსთავი 2“-ში დარჩა

2019-08-27 18:22:41, 2323 ნახვა

საზოგადოება

კომედი ჯგუფის ნაწილი ტელეკომპანია "რუსთავი 2:-ში დარჩა, - ამის შესახებ ჯგუფის ერთობლივ განცხადებაშია ნათქვამი.

"რუსთავი 2"-ში მუშაობას გააგრძელებენ: ალეკო მალხაზიშვილი, მიშა ანდღულაძე, ნიკა არაბიძე, ვახო ბიჭიკაშვილი, კობა ბარათელი და კიდევ 20-მდე მსახიობი.

"რუსთავი 2-ზე 16-წლიანი წარმატებული მუშაობის შემდეგ, კომედი ჯგუფის ერთმა ნაწილმა გადაწყვიტა, გადასულიყო მთავარ არხზე. წარმატებებს ვუსურვებთ ჩვენს მეგობრებს. გუნდის ძირითადი შემადგენლობა კი ისევ რუსთავი 2-ის ეთერში ვიტყვით ჩვენს სათქმელს, მაყურებლის საყვარელი გადაცემებით და სხვა მრავალი სიახლით. ასევე, სრული დატვირთვით დაგიბრუნდებათ (ძველ სიხშირეზე) თქვენი უსაყვარლესი კომედი არხი", - ნათქვამია განცხადებაში.

ცნობისთვის, გუშინ "რუსთავი 2" "ვანოს შოუს"წამყვანმა, იუმორისტმა ვანო ჯავახიშვილმა დატოვა.