„საქართველოს ოკუპირებულ ტერიტორიებზე ვერანაირი არჩევნები ვერ ჩატარდება“, - ასე გამოეხმაურა პარლამენტის პირველი ვიცე-სპიკერი თამარ ჩუგოშვილი აფხაზეთის ოკუპირებულ ტერიტორიაზე ჩატარებულ ე.წ. საპრეზიდენტო არჩევნებს.

ჩუგოშვილის შეფასებით, აღნიშნულ არჩევნებს არანარი სამართლებრივი ძალა არ აქვს და მიმდინარე  პროცესები არალეგიტიმურია.

„ე.წ. არჩევნებს არანაირი სამართლებრივი ძალა არ აქვს, რადგან ეს ტერიტორიები მსოფლიოს მიერ არ არის აღქმული და ცნობილი როგორც დამოუკიდებელი. შესაბამისად, საქართველოს ოკუპირებულ ტერიტორიებზე ვერანაირი არჩევნები ვერ ჩატარდება. მიმდინარე პროცესები არალეგიტიმურია და სამართლებრივი თვალსაზრისით არანაირ შედეგს არ წარმოშობს. ეს არის ფარსი, რომელიც ადგილობრივ მოსახლეობას განცდას უჩენს, რომ გარკვეულ პოლიტიკურ პროცესში მონაწილეობს. ამ არჩევნებს არანაირი სამართლებრივი და პოლიტიკური შედეგი არ ექნება, ვიდრე ეს ტერიტორიები მიჩნეულია საქართველოს სუვერენულ და განუყოფელ ნაწილად, რომელიც ჩრდილოელი, მტრულად განწყობილი მეზობლის გამო არ არის ჩვენს მიერ კონტროლირებადი და ვერ ხვდება საქართველოს ხელისუფლების სრული კონტროლის ზონაში“,  - განაცხადა თამარ ჩუგოშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა