ექსპერტი გია ხუხაშვილი TV  პირველის მფლობელის, ვატო წერეთელის მამის, ავთანდილ წერეთელისთვის ბრალის წარდგენას ხელისუფლების მხრიდან აქტუალური თემების გადაფარვის მცდელობად აფასებს.

ხუხაშვილი მიიჩნევს, რომ ხელისუფლება პოლიტიკური აფექტის მდგომარეობაშია.

„ხელისუფლება მუშაობს პოლიტიკური აფექტის მდგომარეობაში. მუდმივად სჭირდება, რომ იყოს შეტევაში -  ერთი თემა მეორეთი გადაფაროს, მეორე მესამეთი და არ მისცეს საზოგადოებას დამშვიდების, დაწყნარების და ჩვეულებრივი პოლიტიკური დღის წესრიგით სვლის საშუალება. რადგან გუშინ, რუსთავი 2-შისრული ფიასკო განიცადეს, დღეს რაღაცა სჭირდებოდათ, რომ თემა გადაეფარათ და დღეს ვნახეთ, რაც ვნახეთ“, - განაცხადა გია ხუხაშვილმა.

ექსპერტმა თიბისი ბანკის დამფუძნებლების, ბადრი ჯაფარიძისა და მამუკა ხაზარაძის პროკურატურაში დაბარებაზეც ისაუბრა და აღნიშნა, რომ თუ ბრალი გადაკვალიფიცირდა, ეს მართლმსაჯულების სისტემის სრული ფიასკო იქნება.

 ყველაზე სკანდალური დღევანდელ ისტორიაში არის პროკურატურის განაცხადი ბრალის დაზუსტებასთან დაკავშირებით. საუბარია 2-3 ტრანზაქციაზე, წელიწადზე მეტია იძიებენ და ახლა ამბობენ, ბრალი უნდა დავაზუსტოთო. ახლა, აქ იგულისხმება ის, რომ ვაშლის მოპარვა რადგან ვერ დაგიმტკიცე, მსხლის მოპარვაზე უნდა გედავო, თუ რა იგულისხმება,  ალბათ ამას დღეს  გავარკვევთ. თუ ეს ასე მოხდა და საქმის კვალიფიკაცია შეიცვალა, ეს არის სრული ფიასკო და კატასტროფა მთელი მართლმსაჯულების სისტემისთვის“, - განაცხადა გია ხუხაშვილმა TV პირველის ეთერში.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა