აფხაზეთის თვითგამოცხადებულ რესპუბლიკაში,  ე.წ. საპრეზიდენტო არჩევნებში ჩინეთის, გერმანიის  და ევროპის სხვა ქვეყნებიდან   დეპუტატები დამკვირვებლის სტატუსით  ჩამოვლენ - ამის შესახებ   „რია ნოვოსტს“  აფხაზეთის მარიონეტული რეჟიმის ე.წ. პარლამენტის ვიცე-სპიკერმა ლევან გალუსტიანმა განუცხადა.

„ამ არჩევნებმა საერთაშორისო დამკვირვებლების რაოდენობის  კუთხით, შესაძლოა, რეკორდი მოხსნას.  პირველად ჩამოდიან დეპუტატები გერმანიიდან,  ჩინეთის რესპუბლიკიდან და ევროპის რამდენიმე ქვეყნიდან. ახლა,  ჩვენთან ევროპარლამენტის დეპუტატები ჩამოდიან“, - განაცხადა გალუსტიანმა.

გალუსტიანმა განმარტა, რომ ევროპელი და ჩინელი საერთაშორისო დამკვირვებლების მონაწილეობა მოახლოებულ არჩევნებში ახლახანს შექმნილი საერთაშორისო საპარლამენტო მოძრაობის , "აფხაზეთის მეგობრების ლიგის" ძალისხმევის შედეგია.

ამასთან, მისივე თქმით, 22 აგვისტოს  "მეგობარი ქვეყნების წარმომადგენლები"  აფხაზეთის თვითგამოცხადებულ რესპუბლიკაში ჩამოსვლას დაიწყებენ.

შეგახსენებთ, რომ საპრეზიდენტო არჩევნები აფხაზეთის თვითგამოცხადებულ რესპუბლიკაში 25 აგვისტოს გაიმართება.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა