„ეს არის რუსული აგრესია და ევროპარლამენტის შესაბამის კომიტეტებში დავაყენებ ამ საკითხს“, - ასე გამოეხმაურა სოფელ გუგუტიანთკარში ჩასული  ევროპარლამენტის დეპუტატი ჩეხეთიდან, მარკტ გრეგოროვა უკანონო ბორდერიზაციის პროცესის განახლებას.

ევროპარლამენტის დეპუტატი მიიჩნევს, რომ გუგუტიანთკარში არსებულ ვითარებაზე  ევროკავშირმა მკაცრი განცხადება უნდა გააკეთოს, რადგან რუსეთი გამოცდას აწყობს, რამდენად შორს შეუძლია წავიდეს, ვიდრე მკაცრ პასუხს მიიღებს.

„ეს არის ოკუპაციის უპრეცედენტო აქტი, რომელიც გრძელდება. აბსოლუტურად არ ვეთანხმები იმას, რაც აქ ხდება და როგორც ადგილობრივებს ექცევიან. ავლებენ ღობეს მათი ბაღების და სახლების უკან. ამიტომ იძულებული არიან დატოვონ. ეს არის რუსული აგრესია და ევროპარლამენტის შესაბამის კომიტეტებში დავაყენებ ამ საკითხს. ევროკავშირმა უნდა გააკეთოს მკაცრი განცხადება, რადგან რუსეთი აშკარად გამოცდას აწყობს, რამდენად შორს შეუძლია წავიდეს, ვიდრე მკაცრ პასუხს მიიღებს. მათ უნდა გაიგონ ყველასგან, რომ ამგვარი ქმედებები მიუღებელია. მე ახალი ევროპარლამენტის წევრი ვარ და მსურს შევცვალო ეს სიტუაცია“, - განაცხადა მარკტ გრეგოროვამ.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა