„დღეს გუგუტიანთკარში უნდა იდგეს ყველა, ხელისუფლებაც და ოპოზიციაც, ფუნდამენტური ეროვნული ინტერესია, დავდგეთ ერთად, რათა გავაჩეროთ ოკუპაცია, დავეხმაროთ ადგილობრივებს“, - ამის შესახებ „ევროპული საქართველოს“ ერთ-ერთმა ლიდერმა, დავით ბაქრაძემ საოკუპაციო ხაზთან, სოფელ გუგუტიანთკარში განაცხადა.

ბაქრაძე ადგილზე მყოფ ევროკავშირის სადამკვირვებლო მისიის წარმომადგენლებს გაესაუბრა.

„ოკუპაცია გრძელდება. სანამ ხელისუფლება დაკავებულია ქვეყნის შიგნით დამნაშავეების ძებნით ადა რუსეთის მხარდამჭერი ფილმების გადაღებით, ვხედავთ, რომ რუსეთი მორიგ სოფელს გვიღობავს და მიაქვს უფრო მეტი ქართული მიწა. აუცილებელია, შეწყდეს დამაზიანებელი შიდა დისკუსია და მთელი ჩვენი რესურსი მოვახმაროთ ოკუპაციის შეჩერებას. დღეს გუგუტიანთკარში უნდა იდგეს ყველა – ხელისუფლებაც და ოპოზიციაც, რადგან ჩვენი ფუნდამენტური ეროვნული ინტერესია, დავდგეთ ერთად, რათა გავაჩეროთ ოკუპაცია, დავეხმაროთ ადგილობრივ მოსახლეობას. ჩვენ მზად ვართ, მაქსიმალურად მივიღოთ მონაწილეობა ამ პროცესში. „ევროპულ საქართველოს“ აქვს მნიშვნელოვანი საგარეო კონტაქტები, რომ ჩვენი პარტნიორების მეშვეობით, დიპლომატიური და პოლიტიკური ზეწოლით ჩვენი წვლილი შევიტანოთ რუსული ოკუპაციის შეჩერებაში“, – განაცხადა ბაქრაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა