აჭარის ავტონომიური რესპუბლიკის ფინანსთა და ეკონომიკის სამინისტროს დაკვეთით, დაბა ხულოში, ვაშლოვანის დასახლებაში სამი 72 ბინიანი საცხოვრებელი კომპლექსი შენდება.

მშენებლობის პრეცესს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე გაეცნენ.

აჭარის ჯანდაცვის სამინისტროს ინფორმაციით, ორი ბლოკის მონტაჟი უკვე დასრულებულია.

„მიმდინარეობს მოსაპირკეთებელი სამუშაოები. მშენებლობის პროცესშია მესამე ბლოკი. მშენებლობა 2015 წლის ნოემბრისათვის დასრულდება. დასაქმებულია ძირითადად 50 ადამიანი, ხოლო სხვადასხვა სამშენებლო ბრიგადების დამატების შემთხვევაში დასაქმებულთა რაოდენობა იზრდება 70-75 კაცამდე“, - აცხადებენ აჭარის ჯანდაცვის სამინისტროში.

ხულოში ვიზიტის ფარგლებში მთავრობის წევრები იმ ეკომიგარანტ ოჯახებს შეხვდნენ, რომლებიც ჩართული არიან სახელმწიფო პროგრამაში და უახლოეს პერიოდში მათთვის საქართველოს სხვადასხვა ტერიტორიაზე სახლების შესაძენად 20 000 ლარი გამოიყოფა.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ აჭარის რეგიონში მცხოვრებ 27 ეკომიგრანტ ოჯახს საცხოვრებელი ფართები საქართველოს სხვადასხვა რეგიონში უკვე შეუსყიდა.

ასევე, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, აჭარის ავტონომიური რესპუბლიკის მთავრობას, რეგიონალური განვითარებისა და სოციალური დახმარების ცენტრსა და შვეიცარიის განვითარებისა და თანამშრომლობის სააგენტოს შორის 2014 წლის თებერვალის საგრანტო ხელშეკრულების ფარგლებში 18 ეკომიგრანტი ოჯახისათვის შესყიდული იქნა საცხოვრებელი ფართები საქართველოს სხვადასხვა რეგიონში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა